السلام عليكم ورحمة الله وبركاته

اسمحولي ان اتدخل في هذا الموضوع

بخصوص اللقب وبخصوص( المزاينات والبذخ اللي يصير فيها )


اما بخصوص لقب الهيلا

فهو والله سبب تفرقه بين زملائي من عتبان وغمد . الله لا يعوده من لقب.

لقب لاراح ولا جاء

( وجعلناكم شعوبا وقبائل لتعارفوا)

اما بخصوص المزاينات والله المزاينات مافيها خير مافيها إلا رمي للنعم وهذا ماحصل في مزاين عتيبه

والله ثم والله يعلمني ولد عمتي محمد بن ضيف الله الحارثي وخويه واحد اجعيد.عتيبي

يقولون والله ياصحون الرز ابلحمها يكبونه فالزباله اكرمك الله

والله ياناس المزاينات ما فيها خير ونا ما اخص مزاين عتيبه فقط بل مزاين قحطان وسبيع وحرب

كل هذا للأبل طيب ليه ماتسون شيء اطيب من المزاين

بدال ما تجمعون الفلوس للبل اجمعوها لفقراء القبيله والله ثم والله ياناس انه اسر كثيره جدا جدا

من نفس القبايل اللي سوو مزاينات للبل انهم عايشين في فقر وفي ضيم وما يلاقون كسرة الخبز

وعليهم ديون ومع ذلك تلقى خامسهم يكلف بالدفع اقل شيء 1000 ريال للمزاين

بالله مو حرام الناس عايشين في فقر وحنا بقبايلنا نسوي مزاينات طيب

تكلفة المزايين اللي تصير لأي قبيله

ما تنقص عن 20 مليوووون حتى والله اني مقلل فالقيمه واجد.

لو اعطوها لفقراء القبيله وفكو ارقاب اكثر شباب ورجال القبيله من القصاص

وامسحوا دمعة يتيم من خده وفكوا ازمة عوائل واسر كثيره من القبيله كان اطيبلهم



اولا واخيرا لا فرق بين عربي ولا اعجمي إلا بالتقوى

والله ثم والله كل قبايلنا فالجزيره ما تسوى ظفر من قدم بلال الحبشي.( رضي الله عنه )
خذو العبره من قصص الرسول من احاديثه لا تاخذون العبر من هذا الوقت الحالي
هذا الوقت المخزي.
وكلنا نرجع للتراب لا هيلا ولا غيره.

هذا كلامي واي احد عنده اعتراض ويشوف في غلط يناقشني.
ويشوف ان الأبل اولى من عيال عمه الفقراء واليتاما والسجناء والمساكين
يقدم اعتراضه.