قالوا تزوج قلت يالربع ودي
العرس لاطريتوه جتني هواجيس
غلى المهر والدين والوقت ضدي
بسبابهن لذت منامي كوابيس
كم واحدن لطروله العرس صدي
صدت عيا ودموع عينه محابيس
تحده ضروفه على الجال حدي
ما يغطي الراتب والايدي مفاليس
محتار وش خلا وش اللي بيدي
من غير شين صار خلف الكواليس
ما دام صار الحفل كله تحدي
هذي حقيقه وانشدوا كل عريس
العرس والله وقت جدك وجدي
يوم العوايد والشيم والنواميس
واستثني اللي بالمواقف تسدي
اللي على مبدا ومله واحاسيس
تم الكلام وجاك غاية مردي
البرق لاح ولا وصله عواسيس

الشاعر:خالد متعب القلعا