ياراكب اللي لآمشــــى يقطـع البـيـد=تـوه مـطلـع مـن قــراش الــوكــــآلــــــــــــه
راعيه جــــاب نقد ماهوب بتقصيد=راعـي لــزوم ومـرتـهــي مـن حـلالــــــــه
وقــــوده الممـــــتاز يحتـــاج تزويــــــد =مـن المـحـطـه قـبل يمـشـي بـفـالــــــــــــه
من ديرته يمشـــي بعد عيد العييد=مافـــوقــه الا سـأيـقـه والـرسـالـــــــــــــه
يبي الرفايع ديرة العز ياعـــبــيـــــــــد=داراً بـهـا رمـز الـوافـآ والـشـكـالــــــــــه
بالوصف بالضلع المسمى بتحديد= ضلـــع النـجـــج جــنوب ماهي شماله
ملفاك قرم بيننٍ مثل ابو زيـــــــــــد= نــفـل يـنــعـــم لـــه الى جـــا مجالــــــــــه
في مجلسه تلقى الدلال البغـــــاديد= والـــزمــزمــيه مــاتخـــــاوي دلالـــــــــــه
في وسط بيتٍ كنه نايف اللحــيد=على الطــريــق وكــل مــن مـر جالــــــه
اقلط وسلمه الرساله بتوكيــــــــــد= من الحريص مــــرسله يــــم خــــــالـــــــه
لي قصة موضوعها في تنكـــــــــيد =وصاحب قـلـــة حيـــلته وأحتيالــــــــه
يانــــــفل خلي لاقريب ولابــــعيــــد=والبعد ماهورادنــــي عــن وصــالـــــــه
لآكن من بيني وبينه مقـــــــاريـــــــــد=والى عطو علم تغير بدالـــــــــــــــــــــــــه
وزلة سنه وانا برجـــــــو المواعيـــد=واحترت مابين الرجــــاوالجـمـالــــــــــــه
وسقت القــــدم يمه مرار وتراديــــد=كود تطلق عقدتٍ من حبالـــــــــــــــــــه
ولآجت لي الدنيا كيف ماريـــــــــد=وأيست من غرواً سحرني جمالــــــــــه
بنت بدوي ماتعــــــرف التقاليـــــــد=ماحطت المكياج ولا بــــــــــــدالــــــــــه
ولآجات للمشغل وقصـه على حيد= تـبـــع ضعــن بدووٍ سلفهم لحالـــــــــــــه
منزالهم برضٍ خـــــــــلآ مرتع الصيــد= ماجت تسـحــب بـشتـهـــا للبــقــالــه
لولاي اخاف من الحـــيـــا والمـنـاقــيد= لـصيـح صيحة مـن غــدا راس مــالــــه
على عشير شوفته كــنـــها العـيــــــــد =والى حــصل لي مـابــغيــنــا بــدالـــــــــــــه
يانفل وش الراي يابـن الاجـــااويــــــــد= أخـــوك ضــاعـــت حيــلــتــه وأحتـيالــه

ياراكــب الي لامـــــشـــى زاد ويــزيــــد=من ســرعته يــــادوب تـــدرك خ ـيـــآلـــــــه
مادق سلفه قبل بـــــــارد عمـــاريـــــــد=على أول التـــشغيــل هــــــــــــذا اشتغـــــالــه
جــــيب مصـمم من ضـــمـانه بتــجويـد= من فوق طبـــلونه تـــــقــر البــيــــــــــــــآلــــــــــه
من النججد يمشي على الشـرق ويحيد= شمال شـــرق وجــهــــــــــته باحتــمـــــــآلــــــه
عليه قرم من العيال الــصـــنــــآديـــــــــد= رد الرســــــآله بالــــمـثـــــــــل والمقـــآلــــــــــــه
يم الحريص وجهته والمســــآنـــــيـــــــــــد= عويض مطر بالجــــوود كســــاب طـــالــــــــه
بـســلآمٍ أحلـى من حلـيب المـجــآديــــد= ترعــى قـفــر ماشـربــوهــآالنــــخـــــالـــــــــــه
بــآلــرس مـنـزآلـه شمآلاًبـــتـــــأكـــــيــــــــد=على جـنــوب الباب يــفــتــــح عـــــدآلــــــــــــه
قله تـر الـمرسول جـــاني بلابريـــــــــــــــد = عـرفت مـضـمون الـخـطاب وفـصـالـــــــــــــــــه
ويقـول مــن دوونــه عـرب تعكس السـيد = بــيــن الطلـــوع وبـــه نـــــــــزول ومـيـــالــــــــــه
ويـقـول كيف الراي يوم رايك يــــفـيــــــد=عطني عن الموضوع رايك عجالـــــــــــــــــــــــــه
وشلون أجـيـب الـرأي من دون تحديد=حتى أنــــــتــــوجـــــــه للرجــــال بجـزالـــــــــــــــه
اما نســوق الـمآل بــقــــوهـ وتعنــيـــــــد=ولانـقــوم بـــــجـــــاه صـــــاحب جلآلـــــــــــــه
وان كــانـهـا بالــحرب جبت البواريــد=حررتهـــــا تحرير يــــــالك ويـــــــــــالـــــــــــــــــــه
يـــــــــابــــــوبــدر مــاكل قناص بيصيـد=يامـــافــــــقـــد للــحــآج شــيـــــاً غــــدالـــــــــــــه
وكـثـرالــتــرجـي زود الوضع تعقــيــد= واللــــي مـقــفـي عنـــــــك مـــــــالك ومـــــــالـــــــه
تلقى بدأل عـنـــه كـــان أنـك تـريــــد=دور عــــــلى الـعــد الـرهـــــاوي زلآلــــــــــــــــــه
وجــهـة نــظـر ماهــي علىشكل تحديد=صـاحــبـك تـكر م لحــيــتـــه مع اسبـآلــــــــــــــه
وأن طـعـتني هــود عـن الـوضـع وأهـيد=دور على اللـي لـــبــسوهــــــا الشـمـــالــــــــــــــه
تمــشــي بهـابـحزوم ارض وجراهيـــــد=منقـيه من ذوود مـــــــاهــــي احثـــــالـــــــــــــــــه
مـربــاعــهـــا الصمان ذيك الــرواكيـــــد=ومقطانها وادي الــرشـــــا مـع عـبــــالــــــــــــــــه
وان لآح بــراق الـمـزون الرواعــيـــــــــد=عــلــى جـبــل رمــــان ضــلع الغـــزالــــــــــــــــــــه
ثـم ســالـة الشـعـبـه وكك الأصاميــــد=يامـــا حـلـى المربـــــــاع عـقــب اكـتــمآلــــــــــــــه
تـــســوقــهــا حيــرانـهــــاوالــمــفــاريــــد=تــرعـي فـيـــاض الــقــفـر مــــاهــي حــيـــالــــــه
والجيـــب بــاولــهـــايرد المــعـانيـــــــــــد=وشــال الطــيــاح وصـــافــيــــامن خمــــــــالـــــــه
هـذا وانـــا مــاني من الناس حسيد=ردٍعــلــــــى الــشـــــاعـــــربـقـافاًطـرالـــــــــــــــــــه
وانا تـرا محرمـك بيض الـنواهــيـــــــد=ان كـــــــان قـلـبــك مـاتــســـلــى ودالــــــــــــــــــه