بسم الله الرحمن الرحيم
قصيده للشاعر/ناصر هوشان الزنغوب
من عادتي ماحب هرج النميمه=ماحبها والله ولا حب اهلها
حيث انها ماهي صفاة سليمه=وعيبٍ على نقالها اللي نقلها
اما وقع نقالها في ظليمه=والا تسبب لنفوس بزعلها
والناس ترحل والفعايل مقيمه=وكلاً تعد فعوله اللي فعلها
اهل العقول الكامله مستقيمه=ماحدٍ شكا منها ولا حدٍ عذلها
وتلقا الغشامه بالنفوس الغشيمه=اللي تمادا بالخطى من جهلها
والحنظله فيها مراره قديمه =ولولا المراره كان ماحدن تفلها
وللناس من سيّر بليا عزيمه=اليا جلس غث الكبود ودبلها
وسلامتكم