وليا بليت بتايهن شره وصعيب=يقول انا العراف وانت الجهولي
قل الله الله ياحصان الاطاليب=يالفاهم العالم عطيب الفعولي
هذا الكلام اللي ما في صحته ريب=لا نيب لا حولك ولا انته بحولي
حصان وابن حصان طيب مجاذيب=وبالمعرفة رجلن محلي ودولي
خله يروح ويخطي الدرب ويصيب=ويقول ما بالناس عرض وطولي
والفرق ما هو باللحى والاشانيب=الفرق بين الناس فرق الفعولي
كم واحدن تحسن به الظن ويخيب=السن يضحك والفؤاد معلولي
هذا والله الكلام اللي يجمد على الشارب....أيوالله قوله: يالفاهم العالم عطيب الفعولي
قصيدة أكثر من رائعه للغيداني الحربي وبيض الله وجهك يا حلا نجد على كل ما تضيفيه من روائع في منتدياتنا
تقبلي مروري وإعجابي بهذه القصيدة الرائعه التي ما نفكيت حتى قراتها من اولها الى آخرها
أخوك ابن مصاول