أيوالله يا ريم الطمع ضيع ما جمع هو المقرود لو قاله مافيه مشكله أعطيك اللي تبي وخلاه يطلعه كان يمكن ينجح بس الثور صار يفاصله وهو ومتدلي هههههههههههههههههههههه

ذكرني بسالفة لواحد سبيعي الله يذكره بالخير يقول راوي السالفه

أن مجموعة من الرجال كانوا يحفرون بئراً وكان صاحب البئر قد أستفزع بهم وكل يوم يغديهم عنده وكان بين هولاء الرجال واحد (الله بالخير) يعني مامن عقل ولكنه جثه ورجل نشيط يعني على قول المثل(جسم البغال واحلام العصافيري) ههههههههههههه

المهم كل يوم الرجال يحفرون هالبير وبنزلون ليغرفوا الرمل ومعه ماء وحجارة بسيطة الى الأعلى وإذا جاء وقت الغداء أنصرفوا وفي احد الأيام تاخروا عن وقت الغداء واكن معزبهم اللي هو راعي البير في وسط البير يعبي الدلو واللي فوقه يشيل ..

المهم الرجال يوم شافوا ان الوقت تاخر أنسحبوا وقالوا لمعزبهم: الغداء يا فلان..

قال : الغداء قدامكم والقهوه روحوا للبيت تقهووا وصلوا لآن اجيكم وخلوا فلان عندي علشان يطلعني ..

المهم راحوا الرياجيل وخلوا المبدول مع معزبهم والرجال مستعجل على حفر البير وكان الوقت سرقهم المهم المبدول هذا يبي الغداء

فقال للمعزب : الغدا يا عم

فقال : عمه بس هالدلو ياولدي ..

ومرة..ومرتين وثلاث..واربع فرد عليه البليه هذا وقال الغداء؟؟

قال: بس هالدلو ...

وهو يزعل ويرمي عليه الرشاء ويعطيه علابيه ههههههههههههههههههه ويخليه في بيره

ويروح للمجلس ويقعد مع الرياجيل ...

ولكن فلان ما جاء والوقت تاخر والغداء ما نزل !!!

فسألوا البليه وين عمك؟؟؟

قال : في البير !!!

قالوا: ويش ؟؟

قال: عم فلان في البييييييييييييييييييييييير

وهم يفزعون للرجال لان رشاه عنده وهو قاعد يتحسب على هالخبل ..

ويطلعونه من البيييييييير والبليه البربيخ يضحككككككككككككككك هههههههههههه لا ضحك لك...

وانتهت الحكايه.


وبالنسبة لحبك للصقور فلا تحب الصقور إلا من هي بنت صقور ..رحم الله والدك وأسكنه فسيح جنانه


أبن مصاول