أنا العاشق أنا المغرم أنا اللي في زمن كذاب
عشت الحب سهر اهات ولا لحظه غفت عيني
أنا اللي سطر حروفه من قلب (ن) غدى منصاااب
قصايد حبرها دمي تشكي الحال وترثيني
أنا اللي دنيتي ضاقت وصكت دوني الأبواب
أنا الاحزان والدمعه مع الونه عناويني
كثر ماكنت أنا أتمنى وأحلم في وصل أحباب
صار الهم وايا الغم بالدنيا يخاويني
نزوف القلب تذبحني وجرحي بالحشا ماطاب
أطباء الكون عجزت له ولاعلاج (ن) يدوايني
قهر ضيم وأمل ضايع وفوق الخد دمع أنساب
شقى فرقى ألم ضيقه معاني كلها فيني
فرح بهجه وحلم وردي لقى يجمع ربع وأصحاب
شفايف تبتسم تضحك وصايف كم تعزيني
ألا ياحظي العاثر ترفق وارحم اللي شاب
شفت الشيب وأنا توني صغير (ن)بي اول اسنيني
ألا ياسنيني الغبر وش ذنبك بليا أسباب
وش ذنبي أنا دنياي شراب المر تسقيني
أنا طالبك ياربي ومن يرجاك أبد ماخاب
تزيل الهم من قلبي تزيل الدمعه من عيني
وسلامتكم