السلام عليكم

كل عام وانتم بخير

يالربع ترا حبل الكذب قصير والظلم ظلمات .الاخ صاحب الموضوع يقول ان المحاوره في صالح تركي . طيب انت تقصد المعاني والفتل والنقض والا على اي اساس قلت انها لصالح تركي ؟؟؟ انا ابا اشرح لك واحلل الابيات وياليت انت تشرح وتحلل وشلون صارت لصالح تركي .. والحق مايزعل ياجماعه والا لا؟؟؟ تعالوا شوفوا..........



بداية المحاوره كانت عاديه مافيها معاني غامضه لو ان الزلامي بدا بتهديد واحتقار عندما قال ((ومطير ماودنا نشذب عرافيبها)) يقصد حشمه ومقدار لمطير مو لتركي لاكنها فاتت تركي . والتهديد عندما قال ((والا نكبناك ...الخ)) المهم كلها مرت مرور الكرام على الشاعر تركي وماعرف معناها . ورد تركي عندما قال ((انا سلامي عليكم مره كل عام)) مثل اللي يقول توبه ماجيكم بس هي مره بالعام!! يعني سامحوني !!!
في البيت الثاني يقول رشيد((انته من العام تخلطها حلال وحرام )) يقصد ان كلامك غير حقيقي وتتكلم باشياء غير حقيقيه . والمفروض تركي يرد بمايثبت كلامه الا انه وللاسف فاته المعنى ولم يرد بالرد اللي ينقض فتل الزلامي .

ثم يقول الزلامي ((انا معي حيلة لمخالفين النظام )) (( واني لطاردك وسط المملكه شرق شام)) يقصد انه باستطاعته اثبات مخالفات تركي لشروط الشعر والفتل والنقض وانه يستطيع فضحه ومطاردته بفضائحه بعد ما عجز تركي عن الرد على المعنى في الابيات السابقه . لكن تركي جاء على باله شي ثاني واعتقد ان الزلامي يقصد الفلوس اللي تعطى لشاعر المحاوره حيث يقول (( انته وانا متقاسمين الطعام )) .

ثم يقول الزلامي (( انـتم قبيـله لكن الطق فك اللحـام====مطير قوم ٍ خلقنا اللــه لتعذيبها
سقناك من قلة الحره لغربي نعام====ديار تصبح بها00 وديار تمسيبها))

وهذا البيت هو اهم مافي المحاوره (احد الاخوان اللي ردوا على الموضوع واظنه بن صايل قال ان العتيبي يسب في المطران لكن شوفوا البيت يمدح مطير ويقول انهم قبيله ولم يسبهم ووالزلامي يتفاخر بما فعلوه قبيلته ((عتيبه)) اثتاء قيامهم بطرد مطير من حرة الحجاز . وهنا المصيبه من رد تركي حيث لم ينفي مافعلوه عتيبه بهم بل اعترف حين قال ((أعرف عشيره واعرف الجمش واعرف جهام=====ياشيب عينك من المطران يا شيبها
تحمد الله00 وريح فوق ريـش النعــــام========ضيوفكم ماتبا تجرح معازيبها)) يقول انه يعرف الدير فقط !!! ولم ينفي طرد عتيبه لهم ولو كان من الشعراء الذين يجيدون الفتل والنقض لرد بما ينفي ماقاله الزلامي .. وهنا جاءت الفرصه للزلامي حين قال ((انته تعرف الدير00لكن بياع خــام========ماغير تمشي وكل أرض ٍ تعشيبها
حنا ليا حميت الهيجا00وحصل الزحام======نشرب فناجيل خلق الله 00ونرميـبها)) ..ثم رد تركي يتفاخر بنفسه وبقومه حين قال(( انا من هل الاشده في نهار الزحام ** رجلاك ابا انشدك من كسر عراقيبها))) لاحظوا قال رجلاك ابا انشدك من كسر عراقيبها!! هل يجوز من شاعر ان يجعل فعل قبيلته في تكسير العراقيب؟؟؟؟؟ الزلامي تفاخر بانه طرد مطير من ديرتهم وانه شرب فنجال فارسهم وتركي يتفاخر بتكسير العراقيب؟؟؟؟ وتقول المحاوره في صالح تركي ؟؟؟؟؟




اخيرا

جدك توفى وفارق ناقشات الوشام=======وأبوك شيب وهيبتنا يهذريبها

هذا البيت اتخذوه معظم الشباب توقيع لهم لاادري لماذا او ماهو السر فيه او مالمعنى القوي في هذا البيت

معروف ان جد الزلامي توفي وفارق النساء .... وين المعنى القوي؟؟؟؟؟؟؟
وابوك شيب وهيبتنا يهذري بها؟؟؟ ابو الزلامي متوفى منذو زمن بعيد ولم يلحق على حروب مطير وعتيبه حتى يهذري بها ... اتمنى ان تتقبلوا هذا النقد بسعة صدر واطلب من الاخ صاحب الموضوع اذا كان لديه شرح للمحاوره يبين لنا كيف صارت لصالح تركي ان يتفضل ... دمتم بخير