قصيدة أشتهر منها بيت شهير ألا وهو البيت الذي يقول:
العارض المنقاد من دون خلي=والمجمعه ,وسدير..بأقصى قراياه
ولعلنا كلنا نريد معرفة القصيدة كاملة ومن قائلها واليوم ها انا أضيف لكم هذه القصيدة ضمن مكتبة الموازين الشعرية ...حيث يقول الشاعر والفارس الأمير :ناصر بن عمر بن هادي بن قرمله يرحمه الله
يا عنك ما نجع الهويدي هوى لي =والكرك يا محسن ..طوارف رعاياه
الله واكبر يوم شفته يصلي=ما أحسن على متنيه زمة زواياه
أبكي وحطيت البكا سهمة لي=هافت غصون القلب وأصفت ركاياه
أبكي خفا ,واضحك بيان مع اللي=القلب ما يدرون عن غاية أقصاه
قالوا لي العذال: ما أخبلك..ياللي=تبكي ولد ناسٍ..تفارقت وياه
قلت: آه..ما أنسى اللي حديثه يسلي=والله ما انسى اللي تواجهت وياه
اللي اليا منه نوى ذبحةٍ لي=أرخى المليثم ..لين تبدي شفاياه
يغضي بحجر العين ..كله رضاً لي=من خوفته يدري حدٍ من دناياه
العارض المنقاد من دون خلي=والمجمعه ,وسدير..بأقصى قراياه
خلي ورا العارض, وأنا فرع سلي=يا بعد ديرانه, ويا قرب طرياه
بيض النعام..مربعٍ دون خلي=وصفر العراقب ..بركن دون مرباه
ما أزين حديثه فوق فرشٍ, وزلي=لا واحسايف يوم..ما أبطيت وياه
أبن مصاول