قالوا تحبه قلت بالحيل أنا أغليه
وشلون مااعشق من سحرني بعيونه
هذا حبيبي كل ماحل طاريه
يعزف على دقات قلبي لحونه
لوقلت برحل عنه واليوم مابيه
أقول باكر مقدر أعيش دونه
ولو غاب عني شوق عمري أناديه
أصرخ وأقول القلب زادت طعونه
والله شهيد السر وعالم خوافيه
واللي خلق هالكون وأمطر مزونه
أني هويته ولاله احدن يساويه
وقلبي لغيره ماتحرك سكونه
قالوا يخونك قلت ربي يجازيه
لوخان حبي أستحاله أخوانه
مابي هوانا سود الايام تمحيه
أبي الغرام اللي قويه متونه
و ســـــــــــلامـــــــتــــــــكــــم