ياحزّة الضيق .. صدري منك ما ضاقي = لقيـت معـك العـلاج وهانـت العلّـه
إليـا رميتـي بدلـوك داخـل أعماقـي = قريت لك مـا تيسّـر مـن كتـاب الله
أطوي حبالك وأنا واقف علـى ساقـي = عليك راسي طويـل ولا قصـر ظلّـه
كم راح من ضيقه .. وكم من حزن باقي = جردت كشف الهمـوم وجـات منسلّـه
وأنا لوّ أنيّ زعلـت وشانـت أخلاقـي = لازلت من فضل ربيّ من هـل الملّـه
مخلوق قانع وراضـي بأمـر خلاّقـي = مثلت لأمره وانـا خاضـع مـن الذلّـه
بكيت يـوم المدامـع تحـرق إحراقـي = لكنّ هانـت بعـد جـفّ البكـاء كلّـه
أخاف من يوم تشخص فيـه الأحداقـي = وتميـل بـي كفّـة التقصيـر والزلّـه
يـاربّ عفـوك وأنـا للعفـو توّاقـي = كم لي وقلبـي يفـوح ولا بـرد غلّـه