أولاً : حياك الله يا ناصر في منتدى بني عمك .
ثانياً : القصيده صحيح أنها لعبدالله بن ناجي الهضاع من ذوي جبار من قبيلة الموازين .
ثالثاً : لا نقر لمن نسبها لنفسه أو لشخص ثاني من قبيلة ثانيه حيث أن القصيده نعرفها تمام المعرفه منذ وقت قديم وشيبانا يرووها لنا بين الفينه والأخرى فهل نصدق غيرنا ونكذب شيبان الموازين الذين أتو بالقصيده كامله ورد عمه عليه وأسم المره وأسم أبوها .
يقول عبدالله بن ناجي :
نوخت سمحه فوق مزمـوم الأطعـاس = أرمي نظر عينـي علـى قـد ضنـي
وجيت المراح وشفت به مشعت الراس = وجدد علـي جروحـي الـي مضنـي
وجيت الثلاث الي على الدار جـلاس = أبـي الخبـر منـهـن ولا علمـنـي
لي بنت عمن ما وطت درب الأدنـاس = ولا دنسـت يـوم النسـاء يدنسنـي
ضربتها ونا أحسب الضرب نومـاس = طلقتهـا يـوم أفخـت العقـل منـي
لو ينشكي حبه على الطيـر قرنـاس = يضـح الضحـى بمويكـره مستكنـي
ولو ينشكي حبه على ذيب الأرمـاس = يسـرح مـع الطليـان مـا يجفلنـي
ولو ينشكي حبه على قـب الأفـراس = عيـن نهـار الكـون لا يفزعـنـي
ولو ينشكي حبه علـى ميـت النـاس = يقوم مـن تحـت النصايـب يونـي
طاوعت فيها هـرج حاسـد وبـلاس = وصبحت من عقب الخطـا مستجنـي
والقصيده أطول من ذالك ولاكن هذا الذي يحضرني منها ولقد رد عليه عمه وقال :
يا راكبٍ ثنتيـن يشـدن الأقـواس = من عنـد رمـان الحمـر درهمنـي
ما فوقهن الا الخرج من زين الالباس = وسفايفـن بيـن أربعـن يلعبـنـي
تلفي لعبـدالله ورا حمـر الأطعـاس = عطه الجواب وصامـل العلـم منـي
يحلف بخلاق البشر والـي النـاس = أن فيه نيـات الـردى مـا طرنـي
ونكان في راسه زعامات وعطـاس = يعـرف وفنـه مـا يباعـد لفنـي
وكذالك القصيده طويله ولم أحصل منها الا على هذه الأبيات فقط .
ولقد كنت متابع للوضع ولاكن أردت أن أشوف وش ردت فعل الجميع هذا وتقبلوا خالص تحياتي ،،،
أبن مدلج1
(أبو مقرن)