منتديات الموازين الرسميه - عرض مشاركة واحدة

غير متواجد حالياً

ياصاحبـي لاتعقـد الحبـل وتحلـه
أخذ الكلام الصحيح بعظمـة لسانـي

لاصار خلك عسـل لاتلحسـه كلـه
تمرض ويمرض وكل ٍ صار مرضاني

والله لولا .. الحرام وخوفي مـن الله
إني فلا آعيش فـي دنيـاي فقرانـي

والله لولا .. ان لي مذهب ولي ملـه
لجل الدراهم لصادق كـل عدوانـي !

حلمي منول فلـوس وسايـق وفلـه
وازريت أحصل مرادي والله أشقانـي

الفقر والحاجـه اكبـر هـم ٍ وعلـه
عله تهـز الرجـل وتعـل الابدانـي

والصبر درب الفرج يمشيه من دلـه
والمرجله هي غناتـي والله اغنانـي

أخذت درسي ودرسي صرت فطن ٍ له
الرزق في يديـن معبـودٍ ماينسانـي

واللي يدور ورى الزله لقـى الزلـه
وان مالقها يدور في حـدا أخوانـي

يوم ان بعض العرب لاجاتـه الخلـه
وقت الشدايد علـى خويـاه بدانـي

اجيـه وحـل شـي ٍ ماقـدر حلـه
وان رحت بالكلمه الشينـه تقفانـي

تدري وش اللي يهين الرجل ويذلـه
حنا في دنيا مصالحها علـي الثانـي

لاصار مخباك فاضي غابت الشلـه !
ماعاد ياصلك لا قاصـي ولا دانـي !

وان زاد مالك يجيك المجتمع كلـه !
ربي بلاهـم عسـى ربـي ميبلانـي

ياصاحبـي لاتزيـد الطيـن بالبلـه
طير الرها عقبك أصبح طير حوراني !

بالله لاجيـت عنـده سلـم و قـلـه
عمرك ولو طول اتلاته تـرى فانـي

ثم ذكـره بالحـرام وبعدهـا خلـه !
ان تاب وإلا على نفسه هو الجانـي

من كلمـــات الشاعر :. فهد الديحاني

مع تحيات..

منقوول