خليف بن دواس :
أهلين وأولى البدايات بسم الله , وأبدى البدايات بالمبدا الاسلامي = ياربع يااصحاب ياناس ملتمه , ياحلو الايام باللي محليها
أحلى الفتوحات بسيوف عبدله , مع سلة السيف وهروج الاقلامي = والفتح بالنصب والرفع بالضمه , والجر كسر الحروف بتواليها
السناني :
ياراعي المذهب الزين والمله , سود الليالي ورا بيض الايامي = من يارد العد يشرب من الجمه , والطيبه جات من حظ راعيها
لبنان له شان والقدس محتله , وخليف مقهور له عام مانامي = وأبا انشده ذا السنه وش حرق دمه , وأقول من جابها لايوديها
خليف بن دواس :
بالرمح والطاس ومخضب الدله , بوجودنا رفرفت خضر الاعلامي = والفهم للقلب حرصاً على الذمه , خانت عهود الموالي مواليها