بسم الله الرحمن الرحيم
جتني قصيدة
جتني قصيدة هجا من قلب مكتوبة=من شخص غاضب ولاادري من قايلها
وانا بجيب اخبره واجيب مندوبه=ياكم من شاعرٍ قبله تحصلها
لابوه لابو خمامٍ يتبع دروبه=لابو القصيدة وشاعرها وناقلها
اللي ليا اقفا رفيقه حش عرقوبه=ولاجاك قدم البشر قام يتحايلها
ماتغفر الذنب كلمة يالله التوبه=ولاكل لحيه ليا زلت نجاملها
قالو فلان الفلاني قلت والكوبة=ليا نوى نيةٍ ماهو مكملها
اناادري نجا من الموت بعجوبه=وارتاع من عقبها وقام يتخيلها
ومن راعة الرجل لبس حذاه مقلوبه=وسرا بها لين مدري وين عدلها
واليوم ابصلاه لين اكفر ذنوبه=ورد دين النفوس اللي تناولها
ان جات للاش محدٍ ملتفت صوبة=ولا نويت التفت له لين حثلها