قصيدة فالشيخ حمدان بن دليم الشمشم نظراً لموقفه الطيبة مع ربعه من ذوي اجبار والموازين وامطير عامة ومع كل من نصاه من القبايل الاخرى.
حي القصيد اللي يجي في محله=بالذات في مدحة طويلين الاشبار
اللي خذوا طيب الفعايل اجبله=حتى املكوا بقلوبنا حب ووقار
من بيننا مثل النجوم المطله=ومع غيرنا يكفي مواقيف واذكار
لاقلت حمدان السعد واشهدله=سود الليال وصلفها سر واجهار
يرخي امتونه للثقيل ويشله=مواقفٍ يشهدلها اصغار واكبار
حمدان سيفٍ فالمواقف نسله=حمدان مثل اطويق لاصار ماصار
حمدان نوفي من كرمه ووفله=حمدان مثل الغيث لاهل مدرار
حمدان حب الكايدة عادتله=حمدان ياعميان الاريا والاشوار
حمدان لامن بان فالوضع خله=في وقفته يلفت كثيرات الانظار
شيخٍ كبير وكلبونا نجله=له عندنا حشمة وتقدير واكبار
يالله تحفظه دوم من كل عله=ويبقى على عز ومعزه ومقدار
عبدالله بن سعد بن داغم الميزاني