السـلام عليكم ورحمة الله وبركــاته
يا بنت وش لك وش علي وش لنا فيك
مابيك لو قاعـك ذهـب يـا غشيمـه
روحي تراني لا نويتك انـا اعميـك
عميـت قبلـك واحـدٍ دون شيـمـه
ابتغـزل بـك وابنهيـك وارثـيـك
برثيك في حرف الكريـم لـكريمـه
انـا بنيـتـك بالمحـبـه وابنهـيـك
ماني مثيـل اللـي يلهّـس حريمـه
انا مطيري وفزعتـي دوم ترويـك
ومبعد عن اللـي لا حكـا بالنميمـه
اردى مطيري يا الغشيمـه يساويـك
وانتـي ربيتـي عالخطـا والظليمـه
يا واطيه طبع الجفـا مـن مواريـك
ولا هي غريبه لك عواقـب وخيمـه
القلب باعـك يـا غشيمـه وناسيـك
ناسـي غـرامٍ دون قـدر وحشيمـه
انا رفعتـك فـوق عالـي وابوطيـك
يا اللي لسانـك لانطـق (بالشتيمـه)
لك جيت يومك طايشه وصرت هاويك
قطعـت لعيـونـك دروبٍ سقيـمـه
لكن تحرّي ورب الافـلاك لانهيـك
ملعون ابو رجلٍ عشق لـه غشيمـه