عرض مشاركة واحدة
غير متواجد حالياً
 رقم المشاركة : ( 1 )
جديد
رقم العضوية : 11777
تاريخ التسجيل : 12 08 2011
الدولة : ذكر
العمر :
الجنس :
مكان الإقامة :
عدد المشاركات : 8 [+]
آخر تواجد : 12 - 08 - 11 [+]
عدد النقاط : 10
قوة الترشيح : ابن برقا والسماء زرقاء is on a distinguished road
الأوسمـة
بيانات الإتصال
آخر المواضيع

التوقيت
افتراضي محاورة بين سفر الدغليبي و محمد عبيد الحربي

كُتب : [ 12 - 08 - 11 - 07:57 AM ]

مـحـمــد عـبـيــد الـربـيـقـي:
يا مرحبا بالرجـال اللـي تسـد اللـزوم....أقولهـا والمعـزب بالـوفـاء قالـهـا
مادام معنـا سفـر موجـود لازم يقـوم....واللي يقـرب حمـول البـدو يشتالهـا
ســـفــــر الـدغـيـلــبــي:
دام البقاء من هجوسن كل ليلـة و يـوم....تلقـى كثيـر البيـوت وتأخـذ جزالهـا
سفر حضر عندكم في حفلكـم و معـزوم....ما هـو بسلعـه تـروج عنـد دلالهـا
مـحـمــد عـبـيــد الـربـيـقـي:
إليا تخيرت أبا أخذ مـن خيـار العلـوم....واللي على فالها تسـري علـى فالهـا
يابن الحلال انتظر حنا نعـرف السلـوم....السالفـه ياطويـل العـمـر يبغالـهـا
ســـفــــر الـدغـيـلــبــي:
لو كنت تقدر تصير ادفـاع ولا هجـوم....ألبـس غترتـك البـسـام و عقالـهـا
سمعت لي كلمـةٍ مالـي وراهـا لـزوم....لا عل مـن حطهـا فـالارض يشتالهـا
مـحـمــد عـبـيــد الـربـيـقـي:
حنا غنيين عنـك ولانبـي لـك هـدوم....يارب تستر علـى نـاسٍ هـذا حالهـا
مالك ومال الكلام ارتاح وأنـت مخـدوم....بعض العرب لأوحت الهرجـه يورالهـا
ســـفــــر الـدغـيـلــبــي:
غناتكم من غناتي جعـل عمـرك يـدوم....طيب الروادي من الموجـات وأرسالهـا
ودي صحيح اتريح مـن كثيـر الهمـوم....مار العـرب تبلـش الحملـه وجمالهـا
مـحـمــد عـبـيــد الـربـيـقـي:
خلـك بحـد البسيطـة لا تعـود تحـوم....ماكـل مـا تطلـب النـاس إيتهيالـهـا
يبـى يسافـر سفـر والعافيـة ماتـدوم....اثـر سفـر شاعـر عتيبـة و خيالهـا
ســـفــــر الـدغـيـلــبــي:
أحوم و أطلع على سطح القمر والنجـوم....وأنت النجوم العوالـي مالـك و مالهـا
ترى الحكم للعدل والسيف وانت محكـوم....ياللي لاشفت الطراقـي قمـت تبرالهـا
مـحـمــد عـبـيــد الـربـيـقـي:
طلع لسطح النجـوم وعـاد ميرمهـزوم....مدري سفر ويش سوت له وسوالهـا..
ترى العلوم الردية من نصيـب الرخـوم....و ارجع على اللي يجيك المال من مالها..
ســـفــــر الـدغـيـلــبــي:
انا رجل ما ألحق الغلطان شرهه و لـوم....عاقل شبابه مـا يشـره فـوق جهالهـا
أنته ربيقي و أنا أعرف حرب ناسٍ قروم....لكـن بهـم نـاس فـال الله ولا فالهـا

رد مع اقتباس