لاضاق صدري للموازين سجيت=أبغى الوناسه عندهم والستيره
حمر النواظر جالهم بالوفاء صيت=أهل المواقف بالأمور الكبيره
والضيف لامن زارهم قيل حييت=أهل الكرم واهل الوجيه السفيره
هذا سلامي يوم انا ضيف حليت=الطيب ساسي وانتمي للعشيره
والشعر يعنالي وانا له تعنيت=من هاجسي صغت المعاني غزيره
معناي يعرفني وانا له تهجيت=أمشي مع المعنى على كل سيره
يالله توفقني على الخير لاجيت=وهذي علومي والسوالف قصيره
وسلامتكم / الشاعر/ نايف الشويب