داخلة في حقل الغام




محاورة تغني كثيراً عن التعليق .



سوار الذهب :
في واجب المطران والمطران مجداً مايساد = يامرحبا ترحيبةٍ سوّامها قدامها المورقي يكره رجب واحسن رجب والا جماد = بس المهم ابناء حليمه ماتصح احلامها

ملفي المورقي :
الله يبارك في ليالٍ ضمت أفراح وعياد = وبك البقاء مار المطيه لاتفك خطامها
حنا نعرف دروبنا في حر والا في براد = واللي مشى فالدرب رجله ماتلين عظامها

سوار الذهب :
اقول عايد ياهلال العيد والا مستعاد = اثر الليالي تقلب الدنيا بروس اقلامها
العلم يبني له بيوت بلا عمد للاعتماد = واللي يعقّلها عصبها ماكسرت عظامها



ملفي المورقي :
احداً يجي ويروح ياممدوح بثيابٍ جداد = واحداً بشر وشالته بقعاء على صدامها
ياصاحبي ماعاد فيه رماح وسيوفٍ حداد = الكون مغطي والبحر والأرض فيها الغامها

سوار الذهب :
العدل يهتف للقضاء والظلم يهتف للفساد = والكافرة تسلم وأهلها مادروا بإسلامها
مابه غصون بلا ظلال ولا شرار بلا زناد = واللي تقومها نعرف صيامها وقيامها


ملفي المورقي :
أشرب وأكل حتى يبين الك البياض من السواد = مالك تدخل في صلاة المسلمة وصيامها
ياصاحبي كلاً من العربان له شف ومراد = واللي يسوي اللقمة الزينه يعرف ايدامها


سوار الذهب :
ان قلت فيك اهون عليك القرب والا الابتعاد = والدار لايمكن يمنها اللي يضايق شامها
القلب يفنيه الفناء والعمر يطويه البياد = والمورقي في اللي مضى بنايها هدامها


ملفي المورقي :
ماكل جمالاً يبا يركب على وسق الشداد = يمكن على الرجلين يمشي لين تحفى اقدامها
كم طالباً وده يقلد مير روّح مااستفاد = وآخر زمان يضيع من كل العلوم زمامها


سوار الذهب :
يالمورقي مايشبع الجيعان من شوي الجراد = لكن علّم روق ياعزّا مها علاّ مها
ان كان تبغانا على العتبان نعلن بالجهاد = البا قطعنا الروس فالبطحاء دفنت اصنامها