يا كريم الكف يا السيف الشطير=دوك حرف الوقت لاهنت اسمعه
ولو يعيد الوقت خطوات المسير=ما طلبت الوقت دمعي يشفعه
ما حلى دموع الحزن برد وهجير=في فراق أنسان والقلب اتبعه
في عيوني دمع من ذكرى عشير=لا قدرت أخفيه ولا اقدر ادمعه
في ذرى الأهداب لي دمع يحير=أخاف لامن طاح يطرحني معه
عن رحيل الحزن قلبي يستخير=كيف افرق حزن والقلب اجمعه
راح عمري والمصير أخو المصير=إن سلم من هم جا حزن اصفعه
صار رسم الحظ في عالم صغير=وكل ما ارسم لي نموذج قطعه
لا ركض لا غاص ولا يقدر يطير=وأه ليت اللي حصل له يقنعه
وأه من سمن على اللساني مرير=لا قويت أرميه ولا أقوى اجرعه