منتديات الموازين الرسميه - عرض مشاركة واحدة - ~ البكرة نفرتيتي , وكريم سبلا والحظ منحوس ~

غير متواجد حالياً

السلام عليكم ورحمة الله وبركاته "

صبحكم الله بالرضا والعافية .

كيف حالكم جميعا ؟ إن شاء الله بخيـــــــــر "

تتذكرون قصة أبو عزيز في كريم سبلا والحظ منحوس ؟ ( الظاهر انا اللي حظي منحوس
تعبت في هالموضوع أقعد بالساعات اكتبته وإذا جيت اعتمده يطلع خطاء في الصفحة أو لم تحدث استجابة أكثر من أربع مرات وأنا اعيده )

نرجع للموضوع الرئيسي . اللي ما قرا قصة أبو عزيز أو قراها ونساها يدخل هنا

http://www.almouazeen.com/showthread.php?t=24376

بعدين يجي عشان يفهم أنا وش أقصد .

أبو عزيز سلمكم الله يوم راح للمحطة بيجيب خبز البر لواحد من ربعه شاف هالذود قدامه( ذود الشيخ أبو أمجد )

وحاول يوخر عنه , لكن قدر الله واعترضت قدامه هالبكرة ( نفرتيتي )

وصدمها ,

عاد يوم جاء الراعي ( عصمان )

وشاف شيخة البكار ست الحسن والجمال ( نفرتيتي )

غارقة في دمائها ومكسرة ضلوعها . قعد يصيح وينوح ياخراب بيتك ياعصمان وانحاش ونسى جزماته على جرته .

" كل هذا خوف من كفيله لا يسفره "

أبو عزيز صراحة في هالموقف حظه مو منحوس . أقولكم ليييييييه "

يحمد ربه إنه ما صدم الإمبراطورة وكوكب الشرق

أو بلقيس

أو الأمبراطورة

أو جولييت

لأنهن ما شاء الله مزيونات وقيمتهن غاااااااالية , مو مثل نفرتيتي الله يديم النعمة اللي بعشرة مليون وهي ما تسوى عشرة آلاف .

(شرايكم نتقاط ونجمع دية نفرتيتي ونعطيها أبو عزيز ؟ )ولا خلونا ننتظر ونشوف القاضي وش بيحكم عليه في الحلقة القادمة .

عاد وأنا في الموقع قعدت انتظر ( الجوري ) بنت أبو أمجد تجي من العيادة بشوف وش هالزين اللي قطع قلب ( الرقيب أبو نمر )وجت وأخذت لها هالصورة عشان تحكمون عليها

8
8
8
8
8
أمزح معكم . قربت تغيب الشمس وهي ماجت

. بس يوم شفت صندلها

طايح عند الشبك غسلت يديني من إنها تجي . الظاهر لحقتها وحدة من البكار وحرمت إنها تجي مرة ثانية .( والله العظيم لقيتها طايحه مو لي لا أحد يجي ويقول حق نزف المشاعر )

*****

هذا توه مولود .ما بعد سماه أبو أمجد . يقول اللي يختار له اسم زين من الموازين له شيك مفتوح باللي يبي ( عاد اللي يصير الشيك من نصيبه لا ينساني ففتي ففتي ok)

< كل واحد يشاهد الموضوع يكتب له اسم )

* فاصل إعلاني *

هذا المقص لأي شيء يستخدم ؟ أول مرة أشوف مقص كذا

اللي يعرف لايبخل علينا .

* عدنا *

تتذكرون الحصني اللي طارده أبوه من الخندق ؟ وإن المشرف الإجتماعي الطويل الله يجزااه خير بياخذ عنوانهم عشان يروح لهم ويصلح بينهم .

أدخلوا هنا شوفوا قصته بعدين تعالوا

http://www.almouazeen.com/showthread.php?t=24895

أبشركم راح لهم وأخذ معه بوكيه هالقشع

وأصلح بينهم وسكنهم في خندق جديد

< الله يهديك يالطويل بيتهم اللي قبل أوسع من هذا الله لايحشرنا>

واشترى لهم شقق سكنية

عشان يترزقون الله من وراها ويأمن الحصني منها مصاريف زواجه .

ما قصر الله يعطيه العافية .

****

خاص لريم الموازين غمضوا عيونكم لا أحد يشوفه "

ريمو شوفي هالناقة على اليمين اللي طالعة آخرها بس ,كانت تلحق خواتي لين وصلتهن السيارة وأنا فاطسة ضحك عليهن وأخذت هالصورة ع الطاير لعيونك .

الحين افتحوا عيونكم .

وفي الختام أتمنى أن يكون ماقدمت نال على رضا واستحسانكم .

واتقدم بخالص الشكر الجزيل لكاتبنا القدير ( معدي الطويله) الذي أذن لي باقتباس التعليق من قصته الرائعة " كريم سبلا والحظ منحوس "

واسأل الله له التوفيق وأن يعود إلينا سالما لانشغاله عن المنتدى هذه الأيام .

وأعتذر من أخوي الطويل والذي دائما يتقبل تعليقي عليه بكل رحابة وسعة صدر .

* تقبلوا تحياتــــــ نزف المشاعر ــــــي *