لمرجله بنـتٍ لهـا الـف خطـاب=وكـلـن يـراودهـا عـلـى قــدر طيـبـه
خـاو الكريـم تصيـر للطيـب جــلاب=يمكـن كــذا تـقـدر رســوم الظريـبـه
خـاو الرجـال اللـي يفكـون الانشـاب=بالذات في وقـت الظـروف العصيبـه
الـلــي لهيـبـتـم قـوانـيـن وحــســاب=وينـاظـرون لغيـرهـم بـالــف هـيـبـه
صاحب رجال الدين لو كانو اغـراب=تعـرف ثمـن حـب الحبـيـب للحبيـبـه
خـلــك لـوجــه الله عـابــد وتــــواب=حافـظ علـى المسجـد ولازم خطيـبـه
اخذ الحذر لاشفت سود الشعر شـاب=واعـلـم رحـمـك الله بمعـنـى مشيـبـه
معناه ديانٍ وقف لك على البـابا=ن مامشيـت بطيـب اخـذك بغصيـبـه
ابـوك وامـك حطهـم بـيـن الاهــداب=حتـى رضــا ربــك علـيـك تحظيـبـه
اصدق مع الله لو على قطع الارقـاب=الـصـدق امـانـه والخيـانـه مصـيـبـه
صل القرابه ووصل الشيـب والشـاب=والـجـار يحـشـم لـوبـدا مـنـه ريـبــه
وان كان جات المعضله بين الاقراب=مـاهـو مـهـم لـمـن تـكــون الغلـيـبـه
اطـف اللهب لوكنـت للـنـار شبـبـاب=واثـن الرشـا مــن دون جـمـة قليـبـه
خلك على عيوب البشر ستر وحجابي=ـوم الـردي يجـمـع حـكـي ويعديـبـه
واحذر ترد العلم عن شخـص كـذاب=في وقت صارالصـدق حاجـه غريبـه
لايعجبـك مـن كـان للقـرش قـضـاب=خـل الـكـرم حـاجـه بطبـعـك رتيـبـه
الــرزق شـيـا كاتـبـه رب الاربـــاب=يعـلـم ولا نـعـلـم بمـضـمـون غـيـبـه
رحّب بشوف الضيف مليون ترحـاب=ترحيب غالٍ عاد من طـول غيبـه
واذا رفيقـك لابــدت حاجـتـك غــاب=الـيـا حـظـر لاتنـشـده عــن مغـيـبـه
مـادام ظنـك فيـه فــي وقتـهـا خــاب=عــذره لـيـا جــا يعـتـذر وش تبيـبـه