عبدالرحمن العقيلي
سلام يالابتن تفعل وتوفي العهود=من ديدل الاولين ونارهم تصطلي
تراء الوصيه امانه مثل باق العهود=وان كان تبغى وصاتي لاتوصي علي
علي فلاح العضياني
يا مرحبا بك على مركاك و دله و عود=في منتدى ربعي اللي حظهم معتلي
لا تلحقون الملامه باذلين الجهود=موضوعك اليوم موضوع العتيبي علي
عبدالرحمن العقيلي
لاوالله الا؟قصرت الطنب دون العمود=وضربت لي ديرتن من دون رفحا خلي
ماجيت هاك الديار الا عليها محدود=والا انا رجل عرف وعاليٍ منزلي
علي فلاح العضياني
أهل الكرم , ضيفهم بالطيب قدره يزود=و انته ليا زرتنا قدرك قعود و طلي
يا زين صورتك ما بين الزهر و الورود=فالوادي اللي من الوديان ماله حلي
عبدالرحمن العقيلي
كلن يعرف الكرم حتى عيال اليهود=وان ضاق فيك الفضاء للضيق مخرج ملي
والصورة اللي امامك لزلامي سعود=ابشرك ياطليق الوجه ماهيب لي
علي فلاح العضياني
يحقّ لك تفتخر بين العرب بالجدود=حنا عرب مسلمين و نهجنا حنبلي
الوسم واضح و بيّن في رقبة القعود=هذي ما تمشي عليّه منك يا عبدلي
عبدالرحمن العقيلي
لاباس ياشاعر العضيان صابك برود=والليل توه توارى ثلثه الاولى
حطيت قدمك وسدود وصار خلفك سدود=وامسيت وسط المحامه تقفي وتقبلي
علي فلاح العضياني
يا ليت يوجد من المطران ربعك شهود=يوم إنّي أقلقلك في وسط زيت القلي
ماني بلايمك يوم تجيب بعض الردود=إتمرّ في حالة إغماء جعلها تنجلي[
عبدالرحمن العقيلي
لاوالله الا؟تبا الفكه من اسر القيود=تبغاني اقول لك حاجة ولاتزعلي
مايرتكي للفهود الا عيال الفهود=وخر عن الدرب صدر بالزعل ممتلي