اقتباس:
المشاركة الأصلية كتبت بواسطة الحميدي بن فارس الميزاني
ياصاحبي وش فيك عني تغيرت = نسيتني يوم اخلفتك الليالي
إلى طرا وقت (ن) مضالي تذكّرت = يدق بي هاجوس ويضيق بالي
مااقوى الصبر من دونكم لو تصبّرت = اللّه يعين اللي من الوقت مالي
قلت الكلام اللي بقلبي وعبّرت = لو غبت عني صورتك في خيالي
ماتدري أني لاذكرتك تأثرت = عاقل ولا طريتك يجيني هبالي
ماجتني الدنيا على ماتصورت = بين العرب كني وحيد(ن) لحالي
صارت حياتي عندكم مالها كرت = أكبر خساره ضاع فيك احتمالي
واليوم يوم أنك عليّه تكبّرت = أقطع علاقاتك بدون إنفعالي
هذا مصيرك وانته اللي تخيّرت = ماعاد لك قيمه عقب ماانت غالي
مسحت حبك من خفوقي وقررّت = هذا جوابي لا طرحت السؤالي
ماعاد ينفعك العذر لو تعذرت = القى بدالك وانت تلقى بدالي
|
صح لسانك أخوي الحميدي بن فارس الميزاني