بسم الله الرحمن الرحيم
[frame="4 98"]
ودك ليا شاركت في كل ميدان=لو مانت الاول في الصفوف الاوايل
خلك ليا عودت خسران خسران=ينقال عنك عاملٍ لك عمايل
اغرق شهيد ارحم من تموت عطشان=موتة شهيد ولا وقوف متمايل
سامحني ياحامد اذا كنت غلطان=الا:عليك امون والشك زايل
لاشك انا وارد على البحر عطشان=والموج يابو زيد مرعب وهايل
وان مت ماني يابيض الوجه ندمان=نفنا وتبقى مطير روس الجمايل
وان كان تسئل كان للاهل عنوان= في حال موتي دوك بعض الدلايل
عندك من الحره ليا سور خيطان=ربعي مطير اهل الوفا والفعايل
في ظل اخو نوره سلايل كحيلان=لاهان اخو مريم عظيم السلايل
وانا ليا رددت مطران مطران=حاشا ماهو قاصر بباق القبايل
عزوه وانا لي عزوةٍ توفي الشان=توفي العهود ولاتهاب المخايل
اذا اعتزيت ابهم خرس كل شيطان=واقدم ولاني من عنا الهم شايل
في صدري حروفٍ تقل وبل هتان =حروف شعرٍ ماذكرها أي قايل
اثنا عليها بالرضا الف ديوان=واثنو على شعري عيال الحمايل
وغنت بها طيور الهدى فوق الاغصان=وشامن لشعري ناقضات الجدايل