السلام عليكم ورحمة الله وبركاته
اتمنى ان تحوز على رضاكم يالغالين ولاتنسوني بـ ارائكم وانتقاداتكم
نواف الميزاني
حنا بدينا مير ياعالم سلام الله سلام=اعداد همال السحاب اللي تشوف قنوفها
المبتدي لوهو يشوف جيوش شعري ماينام =اللي بيارقها تخيف الخصم يوم يشوفها
يوسف العضياني
يامرحبا ترحيبتن واعداد ماهل الغمام=عديت في راس الجبل وانت هويت جروفها
جيوش شعرك ماتخوف ماتبيع ماتسام=وجيوشنا ياصاحبي يرعبك صوت سيوفها
نواف الميزاني
الك البقا والمحترم ما يلقي الى اﻻحترام =وام الكباير في تغرطسها يبين خوفها
الليله الليله يبين الكسر في صم العظام=وجيوشنا دايم تقص الروس من اكتوفها
يوسف العضياني
اجيب لك بعض الخبر وارد لك بعض الكلام=والناس مايلعب بحسبتها ياكود ضروفها
يبا يجيك اليوم ضربه فارقه عن كل عام=ضربه قوية من قساها ماتلين ردوفها
نواف الميزاني
حتى ولو جبت الخبر حنا نمس لك الخطام=والناس ماتقنع بمكسبها وﻻ مصروفها
يبا يبين الحق ذا الليله على مسك الختام=والظاهر ان ام الكباير كل شي يطوفها
يوسف العضياني
كسرتلي بعض الخشوم وباقين فيها عرام=ونطعن قلوبن دب فيها الحسد واحرق جوفها
حنا نسير مع النظام انته تعكس اهل النظام=وختامها صلو ع الهادي عداد حروفها