ياصدري مابقي بك شي ماصابه عنا وسهوم=بعد ماصرت لجروح الزمن دفتر ومسوده
اغني فالفضاء الواسع وسامر لي قمر ونجوم=ليا مولت يبكي من مواويلي بحر جده
وينتاب الخفوق اسراب علمن من وراه علوم=ليا جات الحزين اتنزل ادموعه على خده
يبيح الها الفؤاد بكل سرن فالحشى مكتوم=بدون شعور يحكي ماب صدره لو ماوده
تذكرته بعد ماداعب اعيوني لذيذ النوم=وسرى مركب غرامي فالخيال وطالت المده
تعال وشف سبايب صدتك جسر الغلا مهدوم=انا ابني فيه ورياح الجفا تاتيه وتهده
اذا كان الفراق مع الحبيب الاولي محتوم=انا وش في يديني دام حبل الوصل في يده
احبه حسبي الله ولا انا من شوفته محروم=وقلبي مثل طيرن يمسكه بيديه ويهده
يدورن اليال ويضهر الضالم من المضلوم=اقوله ونت تعرف ويش جزر البحر من مده
ونا رجلن ليا بركته اهموم الغرام يقوم=يقف لو ان جرحه في خفوقه وزمن ضده
انا لون ماني بتحمل للعتب ولوم=مالبست القصيد ابداع وثيابن على قده