بسم الله الرحمن الرحيم
السلام عليكم ورحمة الله وبركاته
مبروك عليكم الشهر جميعا وكل عام وانتم بخير.
كما وعدناكم بطرح قصائد للشاعر / هويل بن مشدد الميزاني (شفاه الله)
هذه قصيدة رثاء في خاله / ضيف الله بن زراق بن مصاول (رحمه الله)
وخالي اللي كـا سهيل اليـــمانـــــي=ابك الفقيد اللي غريبه لحونــــه
يمناه ظاريةٍ لمد الحـِــــــســانــــي=عن الضعيف ماتغظى عيونـــــه
وخالي اللي للعرب مرحبـــــــانــي=عساه للجنه وتخضر غصونــــه
وخالي اللي فاهمن في المعانــــــي=الحاضره والباديه يعـرفونــــــــه
هداج تيماء اللي على أربع سواني=مي ٍ قراح والعرب يشـربونــــــه
لصارت القالات عشر وثمانــــــــي=يقعد إبليس وشلته ما يجـونــــــه
إن كان ماتسمع بصوت الأذانـــــي=رنين نجره والعرب يسـمعونــــه
تمت وصلى الله على كل فانـــــــي=بالمصحف اللي بالحرم يخـتمونه
ونأمل منكم الدعاء للمتوفي بالرحمه وللمريض بالشفاء ولجميع المسلمين في هذا الشهر المبارك.