شاعر الكويت الكبير فهد راشد بورسلي رحمه الله.
ولد عام 1918م..وتوفى في 25 ابريل 1960م....
رحمه الله...
له جماليات شعرية رائعة، صوّر بها
الحياة الكويتية التي عاشها فقدم كل انواع الشعر...
هذه القصيدة معبرة عما يعتمل في نفسه من جور الزمان
وفعل الأيام.
الـدار جــارت مــا عليـهـا شـافـه
والحـر فيـهـا شـايـف ٍ مــا عـافـه
بالـك تكـاثـر صّـدهـا وان صّــدت
عاداتـهـا عـقــب الـقـبـوا نـكّـافـه
دار ٍ لـغـيـر عـيـالـهـا مـشـكــورة
والاّ ابنـهـا تلـعـن ابـــو اسـلافــه
دار ٍ يعيـش بـهـا الغـريـب منـعّـم
وتعيـش فيهـا (أم احمـد العّكافـه)
دار ٍ اوصـفـهـا عـجــوز ٍ شـمـطـا
هـــمّـــازةٍ مــنــاعــة ٍ حـــلاّفــــه
تـغـذي عـيـال الـنـاس وتدوايـهـم
وعـيـالـهـا لعـيـونـهـم خـطّــافــه
آسـف علـى الطيّـب تـرّدى حـالـه
والاّ الـردي مامـن عليـه حسـافـه
مثـل الحمامـة فرخـهـا بالبيـضـه
وعـنـد طيـرانـه تنـكـره وتـعـافـه
مـادمـنـا شـتــى بـفـلــك ٍ واحــــد
ذاب الـشـراع وضـاعـت الغّـرافـه
هــذا جـزانـا زيــن سّـــوت فـيـنـا
خــل الـغــرق مـايـوهـل الـنـزافـه
نصبر غصب او طيب هذي قسمة
لـو نلحـس التمـرة ورا الخصافـه
انـا اعرفهـا زيـن مــا استنكـرهـا
اللـي يوصفّـهـا تضـيـع اوصـافـه
هـذي (عـذاري )الجـار ماينكرهـا
تسقـي البعيـد ولا تــرش الحـافـه
حـنّـا تقاطعـنـا وشـلـنـا نفـوسـنـا
والــزود خـلانّــا عـلــى ميـهـافـه
والحسـد والبغضـا وقـلّ الرحـمـة
مـا واحـد ٍ مـنّـا سـعـى بانصـافـه
نجني الثمـر مـن كـل علـم ٍ وافـي
ولانجني الثمـرة مـن الصفصافـه
مـن داخـل الداخـل وبـار بجنـسـه
كـل علـى اكتـافـه يشـيـل احتـافـه
منقول
أبن مصاول