الأمسية الشعريه
كان الترتيب مثالياً عن طريق مؤسسة شعراء الجزيرة
عريف الأمسيه الأخ نواف نايف الرحيمي <<ونعم الرجل.
ثم يأخذ جميع الشعراء أماكنهم لكي تبدأ الأمسيه.
ثم يبدأ أبو سلطان ...
ثم الشاعر العملاق شعيل الحريص.
والشاعر صاحب الصوت الشجي سلمان بن فيصل الميزاني (عندليب الموازين)
عواض القوانه العازمي
وأبو فيصل يلبي طلبات الجمهور
روح يا بوفيصل ...صراحة مبدع
وأبن مصاول يراقب مصور منتديات الموازين ويسدي له التوجيهات..
ثم شيلة اخرى..
صح لسانك ....شاعر قادم بقوة.
ثم الشاعر الكبير سعد بن سلطان يلبي طلبات الجمهور
ويقول:
ياراكب من عندنا جمس اسود
جمس جديد ولاوطته المكده
ليا دعست سريتره تقل يطرد
اقفى تقل خفر السواحل تحده
كنه مهرب والمهرب مهدد
فالقتل تأبيد السجن مايسده
حمل على الماخوذ حشيش اسود
فعله قبيح ولابه احد يوده
عليه قوات السواحل تشدد
وتنطحوه بسهلة مجرهده
عطوه فيها حول خمسة عشر رد
وتله يبي من حيث جاء يرده
كبسله بوصه واحتمى العلم واشتد
واللي بطبلونه إنبيره يعده
يوم استواله نابي الحزم الاجرد
روح حلال القوم محد يرده
ويوم ارهوا انه راح ماعاد ينرد
جات الاوامر بإحرقانه بشده
وعطو خبر لمسدد الرمي سدد
وخبط على الاخمس وهزه ومده
يصلاه بالرشاش قرم مسدد
هذي هفت دونه وهذيك سده
وقام يتعزوى يوم صارت معاند
وتساون الثنتين ماعاد وده
صكه بثالث وارتفع فوق وإرتد
والويل ترزم وارزم الحزم قده
ولالحم البنزين بثالث وصرد
عده يطير من الحزم فوق عده
رقوه لاتسعين كيلو ورا الحد
مع سهلة حذف المرو فوق شده
فوقه شجاع مورد الخال والجد
وعليه من وقته محفه وضده
ماهو براعي شين لاشك محتد
والوقت له عن المناعير صده
قليل مال ويطلبه هيس اربد
قبيح وجه من الوجيه المصده
افقم فم ناشف طويل مجرعد
قابة فمه قرو ٍ قبيح مرده
انخش عور وجهه من اللحيه اجرد
هيس ليا عبند عمى مترده
والمال ضربة مال ماينتقاصد
واللاش عذره للوفا مايسده
مهما تعذر مايفيد امتمرد
الاجودي عليه مالله يحده
حده حداه الله على غير ماود
والا على ماصار ماهو بوده
يشدا ونيت يم هزاع يسند
طير يدسم شارب اللي يهده
هزاع ابن عبدالعزيز ابن ماجد
ابن الدويش اصله وفصله وعده
شيوخ حمران النواظر موكد
اللي لهم على المناعير ضده
لياصاحت الغوجاء وقامت تنجد
(...........)كل حبل صفراه مده
كم واحد بنحورهم قام ثم كد
وخلي عشاء سحم الضواري اتهده
ياغافل عن فعلهم قوم وانشد
وسايل لحدبان الظهور وتعده
يوم انها ماغير محزم ومجند
وشلفاء وسيف وعالم مستعده
لهم على احواض المنايا موارد
فوق المهار وفوق حمر الاشده
يوم الجهل وافعالهم ماتعدد
واليوم سور وندرق دوم سده
شيوخنا اللي في ذراهم نتمدد
نرقد وللروس مكبرين المخده ,,,