المشاركة الأصلية كتبت بواسطة أبن جويبر العبدلي

صحيح ان الرجال مخابر مهي مظاهر

تسلم يا ابو جزا وما عليك زود ..أحرجتنا
هههههههههههههههههه
تستغربون ليش ضحكت صح
انا أقول لكم ليش ضحكت
طرى علي زول أبن مصاول
اللي يشوف شكله يقول هذا حده حده عشر نياق وبيت شعر وهايلكس مديل 82 وفي البران مايعرف المدن هههههههههههههههههه

والله اني سقت الددسن الــ82 وكنت أرعى البهم والغنم وعندي هايلوكس واني ما احب المدن ولكن العيشه ودورتها خلتني في معامل أرامكو

منتم مصدقين شوفو صورته يومنه بالكفائه المتوسطه يقطع الخميره من البيت ههههههههههههه ثوبه لو تفركه يتكسر ومايستحما على قولة المصريين الا بالاعياد من عيد لعيد

أجل لو تشوف صورتي في الأبتدائي وأنا على راسي كفرة مرسيدس وش تقول ورقبتي تبي تنكسر وخشمي صاك من يمين الصوره الى يسارها وش تبي تقول.؟؟؟؟ ههههههههههههه أبي انزلها لكم قريب لتروا أبن مصاول في صباه


وش يعرفه بالرسم والفن والشعر العذب والرومانسيه

والله الرسم عرفته وخاصة الرسم الواقعي وقد تصفحت كثيراً من الرسم التشيكيلي , التجريدي و التخطيطي , التنقيطي و الزخرفي ولكنني لا أفهم إلا في الواقعي مثل هذه الصور وإن واجهتني صور غريبة فلالي غنى عن أبو بندر<<<أخوي عمر فهو رسام وخطاط (مدير البنك الأهلي بعنيزه)

الحين هين صار يتسبح كل يوم ويركب أفخر أنواع السيارات ويتكلم ثلاث لغات ومتابع للمعارض الفنيه ويعشق الرسم ويحب الاخراج ومتذوق للشعر الراقي وكل سنه يصيف في بلد مختلف يحب الاستجمام ويجمع الاكترونيات
صاحب قلم مبدع ويمتلك مخزون ثقافي عالي
أيييييييييييييه مانقول الا اللي عطاه بالكريك يعطينا بالمعلقه اللهم لا حسد

هذا والله بعض ما عندكم يا أبوجزا وأخجلتني بكلامك هذا ياغالي