مرحبا يا شاعر المطران منصور الدريني=عد حالات البحر يا صاحبي جزره ومده

العرب تدري وتعرف كل ذيب من الحصيني=وانته اتمثل قبيله والكلام الزين بده

عدّ ماتسجد ببيت الله .. جباه الساجديني=البقا بك يالمرحّب .. فيك ..ترحيبك نردّه .!!
يرحم الله والديك .. ويرحم الله والديني=القلوب اللي على طيب المبادئ .. مستعدّه .!!

ان بغيتو سلم ولا حرب ما دينك بديني=استعدي وستريحي يا الجنود المستجده

دايم الحاضر يذكرنا قديمات السنيني=من يجاز الصاع صاع ومن يجاز المد مده

كل ماتبغون يالآصحاب حنا حاضريني=الكفؤ يسلم ..ومن يخطي وطآنا فوق خدّه.!!
الجذع ينظر ورى .. مستقبله ماهوب زيني=بس أنا لي نظرة الصقّار يوم . الحر .. هدّه .!!

لا تقوله وأنتم اللي غاب عن غزوة حنيني=حط من تحتك فراش وحط لكراعك مخده

كل قاسي عقب ما جينا لا بد أنه يليني=اصبر اصبر لين ياخذ له معك روحه ورده

كان فيكم خار .. روحوا حاربوا جيش الخميني=لاتجيني يالعتيبي .. لين لازمكم تسدّه .!!
إنشدوا عنّا الرجال أهل الفعول الآوليني=إن سمعتوها تجافي .. ماسمعناها مصدّه .!!

دايم اهل الغدر ما تصدق ولو تحلف يميني=والخميني صاحبك لكن هات العلم وده

جيت تبغاها وجاتك بين خشم وبين عيني=كل من يخطي تراني لاعنن عده وجده

إيه .. والشاهد على ذلك ..سلوم المسلميني=كل منهو خان بيت الله ... فأنا خصمه وضده .!!
الغراب اللي نقب عينه ترى .. بينه وبيني=مثل مابين الرياض .. من الفراغ .. وبين جده .!!

وبك حنا سيف حق الطاعة الله ونت ويني=لو يحكمكم بليس العود اخذ فمطير مده

عقب ما جاتك على وضح النقا فوق الجبيني=بل راسك يحمر العينين ثم حاول تكده

مالقينا في عتيبه .. كلّها .. رجال أميني=يجحدون .ويضحك جهيمان .. والعتبان سدّه .!!
أنت يإإبراهيم حي .. ومن عداد الميتيني=بالهروج.. العوج. .. تحت ..السيف ..لين إنّا نحدّه .!!