اولا أشكر ريووم على اختياري للمشاركة .
ثانيا بسم الله توكلنا على الله

1- من تتوقــع اللي فصل الكهربآء ؟ " ياويله "

أخوي العبد الله اتوقع جاي مسرع للمنتدى وصدم له قسم وقطع الكهرب على المنتدى كله بغير قصد منه ههههههه




2- كم تتراوح قيمة فاتورة بيتكم بالعادة ؟
70- 250



3- من آلعضو آللي آول مايطفي آلكهربـ بتجيه حالة هستيريا وبيقعد يضحك ولا ماعاد إنتم سامعين له صوت من الخوف ؟

بعد قلبي أحلى عسل .




4- عضو بيفزع " وبيروح يدوّر على مصدر " ضوء " شمعة كشاف كبس أو اي شي ؟

أستاذنا أبن مصاول لأنه يهتم بالمنتدى واعضاءه ويحرص عليه .



5- من بيقعد يخوّف الآعضآء ويصرخ بـ آذآنهم ويطيّر عقولهم ؟

أبن الشاعر هو قالها بنفسه هههههه لأنه إنسان هادئ وما يحب يضر أحد ههههههه سبحان الله مدري كيف تجتمع.



6- [ آللي بيخوّفنـي لا يلوم إلا نفسه ] من تتوقع بيقول هـ الجملة ؟

درة الموازين بس ياعمري مدري وش بتسوي للي يخوفها ؟!!
حساسة حيل ورقيقة



7- عضو بيحط راسه وينام ؟

ولد الدويلة وبيقول قبل يحط راسه اذا اشتغل صحوني ههههههه


8- عضو بيجيب قهوة و شاي او أي شي لزوم الروقان في هالأجواء ؟

مافيه غيرها ريم الموازين رايقة على الآخر بسم الله عليها

9- فلللللله الوضع ليتهم كل يوم يطفونه ..من بيقولهـآ ؟

ملكة القوافي لان بتنزل عليها القريحة الشعرية بتدفق والكهرب مقطوع وخصوصا وهي جالسة جنب الشباك هههههههههه



10- من بيعصّـب وبيقعد يسب آللي طفّـى الكهربآ ؟

وراق الموازين وهو ينزل موضوع تغطية وقاعد بالساعات يحمل الصور ويضبط الموضوع وفجاة ينقطع عليه الكهرب ويخرب كل شغله . ما ألومه والله


11- وش هالحالة اللي حنا فيها ؟! من تتوقع يقولها ؟
بنت الغلباء ياعمري بتتضايق لأن الكهرب مقطوع


12- من الشخص اللي بيطمّــن آلآعضآء ويقول هدّوآ بـآلكم آلحين بتشتغل آلكهربآء ؟

أبو بندر

13- عضو بيستانس في الظلام وبيقعد يهيجن وينقلب الشرهان على غفلة ؟

العقيلي والدجيما بيونسونا بمحاورة نارية ننسى معها إن الكهرب مقطوع .


14- عضو بيكون معـآهـ " كشاف " وما راح يخبرنا ؟ " ياويلك إذا دروا عنك "

هذي حركات عنود الصيد هههههههه فديتها


15- عضو بيمسك الجوال ويتصل على الشركة يقدم بلاغ ؟

استاذنا ابو سلطان الشمشم

16- أيش شعورك لما تنقطع الكهرباء؟
قدر الله وماشاء فعل الشكوى لله وش نسوي ؟1 نصبر ونحتسب وخصوصا إذا طفى في رمضان الظهر يووووه تتعطل عندنا جميع الحركة ههههههه

وأوووم الحالة النفسية اذا الموية انقطعت والكهرب طافي مانقدر نشغل الدينمو عشان الخزان يتعبأ .معاناة صراحة وحالتنا حالة وخاصة إذا كان عندنا عزيمة نقول شكل احد داعي علينا هههههههه نفتح البركة ونسحب الموية بسطل حركات الأولين الدلو والبير هههههههههه




17- موقف طريف او محرج او شجاع حصل لك والكهرباء مقطوعة ؟

سبق وانت ذكرت موقف في رد سابق لي على ملكة القوافي ..
وفيه أيضا موقف لا ينسى لعل الله ييسر لي وانزله في موضوع منفرد " نزف المشاعر والحرامي " لزوم التشويق للموقف هههههه




18- رسالة او نداء أو شكوى ودك تقولها لوزارة الكهرباء ؟
رجاء بلاش تكرر هالإنقطاعات اللي مالها سنع واهتموا بصيانة وش يسمونه المولد ولا العداد الكبير اللي في الأحياء مو كل شوي منفجر ومروعنا ( متعقدة منه )

19- نصيحة تقدمها لتفادي انقطاع الكهرباء وترشيد استهلاكه ؟

شغلوا المكيفات والأنورا على حسب حاجتكم عشان يخف الضغط على العداد ولا يؤدي لاسمح لله لحريق أو انفجار . مو المكيف شغال واللمبات مفتوحة والغرفة مافيها احد .


20- الله لا يهينك خذ لك شمعة تنور طريقك وجب لنا عضو أو عضوة للمشاركة بعدك .

درتنا الغالية درة الموازين شرفينا لاهنتي .