شاعر لايرغب في الظهور اثنىء على شاعريته كثير من الشعراء مثل حبيب العازمي وبدر فايز وغيرهم وكذلك هو شاعر محاورة رغم صغر سنة
طلبت اكثر من مرة ان يتواجد في هذا الصرح لاكنه يعتذر ويطلب التاجيل اليوم كان متواجد عندى وطلبت منه قصيدة كتبها من قبل اسبوع وهي موجهه لآبن عمة الشاعر بدر بن فايز بن مدلج ووعدني ان يزودني ببعض قصائدة وخاصة مجارتة مع الشاعر سلطان بن وسام وحبيب العازمي انه الشاعر احمد بن مصنت بن موهق المدلج
اترككم مع هذه القصيدة امل تحوز على اعجابكم

بسم الله الرحمن من كل شيطان = بأسمة بديت القاف والنار حية
يأرب ترزقنا الهداية والإيمان= نطلبك عفوك وأنت رب البرية
لاجا نهارا فيه رابح وخسران= في ماقفن يشيب رأس الصبية
يوم التساؤل والتغابن والإحزان = أحدا ربح واحدا حياته شقية
و يالله تنصرنا على كل فتان = سدد خطانا كل صبح وعشية
من بعد ذكره صار للشعر ميدان = جات الهجوس ألعوب من كل نية
صبحتها بالخير والفكر نشطان = وأسرجت خيل الشعر يأهل الحمية
شاعر وأجيب البيت وافي ومليان = لي وقفتن تفخر بها العبدلية
أصك لي بيبان وأفك بيبان = واقفل مجال أهل الحسد والزرية
جن القصايد لي رفاقه وخلان = في خافقي شكل هجوم وقضية
قم يالدريول حان ميعادنا حان = قم فلل الفكسار يطري علية
اركب على اللي يدني الدار لو كان= دونه مسافات وديارا خلية
الجيب الأبيض فارقن كل إلا لوان = هو منوتي لأباروء الناس فية
مركب هل الطالات ذرفين اللايمان = ومركب شيوخ تحتمي كل هية
لو طولت طرقت منته بتعبان = تصل المكان اللي تبي في شوية
واليا ثبت في الخط والبال طربان = ثبوت جندي قدم قائد سرية
علية سافر واسمع العلم نيشان = ثم وجهه يم الديار القصية
خلة يشلع كنه الحر شيهان = العزم راهي والدريول بلية
والياء جاء يمينك منكب الضلع شوفان = اهزع يسارك يالدريول شوية
تلفي على اللي للمواقيف عنوان = عيال عودا مايحوش الردية
عاشوا على الدنياء كما جبال جيزان = عز الرفاقة والضماير نقية
قصيدتي مضمونها لـ أ بو عدنان = الشيخ ابن مدلج زبون الونية
سلام يانجم السعد ياكحيلان = مع السلام اهديك منى تحية
سلام مهدينة بعنبر وريحان = وألذ وأحلى من حليب المطية
أخبرك باللي صار كله علشان = ما أصير للحلوم الليالي ضحية
حلمت حلمن ماله أشكال وألوان = الحلم مرعب والليالي مدية
يزورني في الحلم هدهد سليمان = وأخاطبه في ليلة خرمسية
ينبئ عن اللي صار في عصر هامان = وأنبيه باللي صار للناس ذية
ياطول ليل البارحة يـ أبن ميزان =مامر ليلن في حياتي حلية
اسمع صهيل خيول من خيل راكان = وكأني اسمع عزوة للمحية
واسمع قريع سيوف خالد بليهان = سيف الله المسلول سيف المنية
ورأيت طارق وأبو طالب وعثمان = وعمر وأبو بكر ومعهم بقية
وأبو هريرة وابن مالك وسفيان = وابن الزبير ورايته عالمية
وأصبحت لأنه حلم وأمسيت حيران = يامفسرين الحلم قولوه لية