عرض مشاركة واحدة
غير متواجد حالياً
 رقم المشاركة : ( 1 )
جديد
رقم العضوية : 8312
تاريخ التسجيل : 11 05 2010
الدولة : ذكر
العمر :
الجنس :
مكان الإقامة : <<>>
عدد المشاركات : 27 [+]
آخر تواجد : 20 - 08 - 11 [+]
عدد النقاط : 10
قوة الترشيح : الشاهوق is on a distinguished road
الأوسمـة
بيانات الإتصال
آخر المواضيع

التوقيت
افتراضي حبيب العازمي وسوار الذهب ..ابدااع

كُتب : [ 16 - 05 - 10 - 07:08 AM ]


عبدالله الميزاني

يالعازمي لو نغرس السكين في حلق السمين
لــ تشب نار ٍ ما تطفيها البقوم ولا بلي
يا جارنا حرابنا اللي من قديمات السنين
اليا بغيت اشب فيك من الجحيم يحق لي

حبيب العازمي

انته تحذّر من خطرها وابشر انّا سالمين
يالحنبلي نهجك مخالف غير نهج الحنبلي
انته من التالين لا بعث قبور الاولين
وان صار دونك عبدلي وراك واحد عبدلي

عبدالله

ان جبتها بم اربعه وان جبتها بم اربعين
ان كان ما انته طول قرن التيس طول اذن الطلي
عساك عايد يا هلال العيد ومن العايدين
كله على شان الخوارج ويش قالوا يا علي

حبيب

مدري حلبت ام اللبن والا انطحتك ام القرين
ان كان انا طول العلا تراك طول الاسفلي
هذاك يوم انك تعيّد في جبينك سجدتين
واليوم لا والله يا عبدالله بعد ما قلت لي

عبدالله

ما فيه دعوى تستجاب الا دعات الوالدين
مدري هبوب المسك من طهران والا من هلي
يالاقتصاد العالمي يالمشترك فالسابلين
لو قلت انا خيال صبحا وانت ما انته بجبلي

حبيب

اللي يحزمك الحسن واللي يفشلك الحسين
وانته تبى تزرع عنب فالشمط والمخرج ملي
مدري عيونك للجدي وسهيل والا الفرقدين
اهم حاجه ما تسجل كارثه فيما يلي

عبدالله


انته لا يذبحك الضما والجوع بين القريتين
فالاوله والثانيه يالله يا مكره سجلي
ترا الدهر بين التفاخت في هوان وفيه حين
والجمر يوم انّا نصبه ودنا انك تصطلي

حبيب

دام الرحا تطحن ضحا والماء يزود عن الطحين
تمد كفك فاضيه وترد كفك ممتلي
اللي فرسها الذيب يأكل من لحمها ابى الحصين
والذيب ما يبغى الحيّل وابى الحصين محايلي

عبدالله

وش كان حظك في ركوع وفي سجود الغاشعين
وانته على شان الحلي مالك شبيه ولا حلي
عتيبه الهيلا تبلونا وحنا منتحين
وهمه على ساقه بطون جياع وصدور تغلي

حبيب

بغيت احطك جانبي تقرا رياض الصالحين
مير انت مجنونتك من حظك تلقيك الخلي
ليه انتحيتوا وضح الموضوع يعني نايرين
مطير حمران النواظر والولي فوقه ولي


التعديل الأخير تم بواسطة سالم رباح ; 16 - 05 - 10 الساعة 10:39 PM
رد مع اقتباس