السلام عليكم ورحمة الله وبركاته
مرثيه في فقيد العيابين جدي سعد بن دواخ
الله يرحمه ويسكنه فسيح جناته ويجعل مثواه الفردوس
شفت الذي ماقد خبرت إنه يضيق
اللي تحمل كـل مـالا يحتمـل
البارحه ياطول ليل المستضيـق
عليه حمل ٍ مامشى فيـه الجمـل
يحس في كبده من الحسره حريق
ياثقل حمله عقب شيـال الحمـل
عن فزعة الفزاع مسدود الطريق
يون مايملك من الضيقـه عمـل
من قو مابه خالط الدمع الشهيـق
انهار ياقلب ٍ على الشده صمـل
للفاجعه حمل ٍ ثقيـل ٍ ماتطيـق
شيله ولاعندك على حملـه أمـل
سادس نهار العيد يالحزن العميق
يبكا على اللي ماتوفيـه الجمـل
مرحوم ياريف الجماعه والصديق
اكبر فقيده انـت ياكـل الشمـل
يفداك من شتت ربوعه كم فريق
وانا على معناي والمعنى كمـل
ياجد انا عقبك مثل عابر طريق
معاد لي عقبك وجيهـن تحتمـل
يامكرم الضيفان يالنهج العتيـق
ياللي عليك الدمع كلـه ينهمـل
عساك بالفردوس ياعز الرفيـق
مع الرسول وصحبه بخير العمل
منقوول