السلام عليكم
اليوم جايبلكم محاوره لشاعرين المبتديئين في ساحة الشعر وساحة المحاوره . .
بدر بن سعود الكميهاني . . . . فهد الديحاني
وهذه المحاوره في الكويت في 5 _3_ 2008 في منطقة العارضيه جوار الرادار . . .
واتمنى ان تنال على اعجابكم اخواني الاعزاء
بدر الكميهاني
اخذ الحروف مشكله دون العـدد ... ماني بـذاكر عـدها وانـتـه فـطـين
هـائـن وداء وبـعـدهـا يـأن ولام ... والي عـقـد روس الحبال يـحـلهـا
فهد الديحاني
الـزيـن يومـنـك تحـزمـت بـفـهـد ... والولـف ماينسى على مر السنين
والعلم في راسي ماوفـاه الكلام ... والي عـقـد روس الـحبـال يـحلـهـا
بدر الكميهاني
هذي هي الدنـيا ولاكـن من حصد ... ماضـن احـد لاقي بها ولفـن يعـين
مير اطلب الله يـرحـم الي مايـنـام ... والي عـقـد روس الـحـبال يـحلـهـا
فهد الديحاني
مامن ورى شكـواك ياكـود الـنكـد ... تشوفه من ليالي ولا انا من سنين
لاكن نور الشمس من بعد الظلام ... والي عـقـد روس الـحـبال يـحـلـهـا
بدر الكميهاني
ياوجد روحي وش لقـى ذاك الولد ... يومن فارق شوقها واصبح حزين
شوق المـفـارق ماتـحمـله الغلام ... والي عـقـد روس الحـبـال يـحـلهـا
فهد الديحاني
شفت الهوايل والسهر زود(ن)بعد ... الارض دوني من دموع العين طين
لـكـن لاتــرمي سـهـومـك بالعـظام ... والي عـقـد روس الـحـبـال يـحـلهـا
بدر الكميهاني
انـكـان حدك بالسهر ماضن بعد ... مايـبعد الي جر قـلبـك لـلونـين
اقــولـهـا وانـا مـجــرب لـلغـرام ... والي عقد روس الحبال يحلها
فهد الديحاني
حامد ياأخـويا ماهو غـادلي حـمد ... وش جاب حبي عند حبك يافطين
واليوم صبر القلب ماغيره حزام ... والي عـقـد روس الحبال يحلها
بدر الكميهاني
وش طير الورعان في ذيك البلد ... كلن تحدى وقدم عروض الحنين
الحب ماهو مفخره يابن الكرام ... الـي عــقــد روس الـحـبال يحلها
فهد الديحاني
يوم(ن)تـشـره لاتـشـكى لي احد ... واتقول انا ضايق وقلبي ذا حزين
ياالي بناله بـيت يبغى لـه هـدام ... والـي عـقــد روس الحبال يحـلها
بدر الكميهاني
لا والله الا بـيـتـكم يـبغى عــمـد ... جبناك عون وصرت تبغالك معين
حظـك تردى مالـك اللـيله كـلام ... والي عـقـد روس الـحـبال يحـلها
فهد الديحاني
واشيب عيني يوم واسيت الولـد ... قلت انا بخفف عن القلب الغـبين
لاكن تال الوقت خشيت الـزحـام ... والي عـقـد روس الـحـبال يحـلها
ومنتضر ردودكم وتعليقاتكم على المحاوره . .
وشكراً