سلام يارمز الكرم يابن جبرين = ياشيخــــنا الي كاملات(ن) مزاياك

ياكاسب الطولات بالعسر واللين = يالي ليا ضــاقت على الناس تنصاك

اسمك مجير في جميع الميادين = قـــــــدام لانسمــع بهـــــذا وهـــذاك

بالجاهــــــليه ثم في حزة الدين = لاقـــيل بن جبرين جـــاك السعد جاك

والي جهلكم والله انه مســيكين = من يجهل اهــل الفعل والطيب حلياك؟

انتم هل الوقفات والناس دارين = ياكم وقــفـــــــتو يوم حزات الادراك

وحنا بكم ياعيال مبلش فخورين = وانتـــــم ذرانا يوم دورات الافـــــلاك

والعلم مايخفى رجال(ن)عروفين = والي جهـــل بالعـــلم عــساه يفــــــداك

ياشيــــوخ عبدالله وياهل القوانين = يالي ليا صعبت تدوســــون الاشـــواك

واقول يامحسن زبون المخــلين = المرتبـــه ياراعي الجـــود تزهـــــــاك

تفخــــر بمثلك ياكعام المعـــادين = يانسل شغمــــوم(ن) على الطيب رباك

الطيب ماخذته صناعه ولا دين = الطيـــب من راس المسمى هــــذا جاك

خلك على مركاك يابن السلاطين = يســــلم لنا راسـك وســاســك ومـركاك

وحنا عــلى دعـــوتك جينا ملبين = دعــــوتك جــتنا يالسنـــافي وجـــينــاك

وهــــذي تحيه من رجال الموازين = جـــينا نبـــارك لك ونفخــــــر بشرواك

والله يعــز آل السعـــود المسمين = يالله يالي تسجــــد النـــاس لرضـــــــاك

ويالله تنصر من رفع راية الدين = عـــبـــدالله الي للصعــــيبات فــكـــــاك

وعـــداد ماصفو صفوف المصلين = تعيــــش يامحســـن ومـــبروك ماجــاك