ياراكب اللي كاملات (ن) مزياه **** أخر موديل مصدرته الخواجه
فكسارمن ضمن الجيوب المسماه **** مكمل(ن) مانقصو فيه حاجه
مكمل(ن)زيته ولانقص في ماه **** حتى الكفر ثنتين زود أحتياجه
وحده تحت والثانيه في مقفاه **** من خوف لايمرح سواة الدجاجه
بنحره للي سباءالقلب وشقاه **** وحالت صواديف الزمن لنتواجه
عليه قرمن حاسبن وقت مسراه **** ذخر الزحول اللي نهار الحياجه
من الجياسروجهه يم منصاه **** وعصار مع حسله يثوع عجاجه
ومر بعفيف بربع ساعه وعداه **** وملفاه وسط العاصمه ودراجه
وليا وصلتو ياجماعه بحرياه **** تراه في بيت (ن)نضيفن زجاجه
عطه الجواب و سلمه وسط يمناه **** وخلوه بالمرسول يأخذ مزاجه
الصاحب اللي سم حالي بفرقاه **** وحرمني أنعام الدهروبتهاجه
أصبحت مثل اللي زمانه توطاه **** حتى ضلوعي صارفيها أنعياجه
وأسهر وفي المجلس ألياحل طرياه **** أصيح مثل اللي صعيبن علاجه
ون كان وقته فوق شرواي غراه **** راع البضاعه ماله الأحراجه
أمايجي وفرح بشوفه ولاماه **** وأشرب زلال الماءوأجنب هماجه
ولأيروح وروحه أمقاط ورشاه **** ولاني على المقفي كثير اللاجاجه
مشكاي للي مدالارزاق بيداه **** وبحكمته ضيق الدهر ونفراجه