السلام عليكم ورحمة الله وبركاته
كيف الحال يا الربع وشلونكم
عبدالله
مرحبا ترحيب حد القريب امن البعيد = ياعساها ليلتن مايطيح اشدادها
ودي اعيد على اهل البحر في كل عيد = مانقص سبع البحور الغريقه زادها
محمد
البقا في ليلتن لبست الثوب الجديد = في حلال العزوه اللي تعد امجادها
العباد اتريد والله يدبر مايريد = مير لولا العلم ماجاء الفضاء روادها
عبدالله
صدر ولا ورد والورد ماهو فالوريد = كبدوها عشر ماهي بعشر اكبادها
ماحمدت الله على الخير يا عبد الحميد = الله اعلم وش ورى حدها وحدادها
محمد
الصلاه الجامعه لاتصليها وحيد = العرب قامت تلمس خشوم اسيادها
كلنا معاد نامن من الباس الشديد = وانت لانامت عيونك يطول ارقادها
عبدالله
البرد والبرد مالي صناديق البريد = ي امحمد قودها مايفك اقيادها
نوب اشك انك سعد نوب اشك انك سعيد = اكتبوها بالقلم لاتضيع اسنادها
محمد
من تذكر حكمة الله وسيف ابن الوليد = ليلة القدرا الشريفه عرف ميعادها
انت مابك شك لو تنذبح منته شهيد = بعرض العملاات فابلاد غير ابلادها
عبدالله
المدارس فالبلد عشر والطالب بليد = والسرايا كم ضباطها وفرادها
انت لو جبتك على بحر صيداا ماتصيد = يمكن الحوته تصيدك ولا تصطادها
محمد
واحدن يستوعب الدرس فالجهد الجهي د= واحدن من دون داعي يطق ازنادها
روح خوض التجربه منك نبغى نستفيد = ا لوجيه استغفر الله مني عبادها
عبدالله
ماعليك ازيد واعيد وفهم يامعيد = لا تبالشني جهينه عشان احفادها