إخترت غيري رحت ماني مطالبـك
ولا قلت لك عن صدمتي فيك حاجه
دامي غديت اللي ابـد مـا يناسبـك
كلن يشوف اللـي يناسـب مزاجـه
مسموح لو ضاقت عليّـه مذاهبـك
ومعذور لو قلبي جهلـت إحتياجـه
لوني أحبك مانـي اليـوم راغبـك
وش حدني للحب وكثـرة إزعاجـه
ماني محتاج لدموعك واقـول إبـك
جرحي كبير وعند وقتـي علاجـه
خطاك ما غيّر مذاهيـب صاحبـك
وقلبي على خبرك كثيـر ابتهاجـه
باكـر تدورنـي إتمنـى أحاسبـك
لحن قلبـك وإعترضـك إحتجاجـه
يا ما حناني عطرك فـي متاعبـك
وفضلت غيـري والغـلا بإندماجـه
ماني بشرهان(ن) ولانـي معاتبـك
تمون يالغالي علـى كـل حآآجـه
ولاني بقايل لك علي ويش جايبـك
لا صار صدري فارد(ن) لك حجاجه
علي صوّت وعدّنـي مـن قرايبـك
لا أحتجتني يكفـي بطيـب نتواجـه
مماراق لى