محاورة رائعة وعميقة لمن يغوص في معنى كل بيت او إشارة لمعنى .
وإبداع سوار الذهب شئ معتاد وكان الهاجري ند معتبر له في هذه المحاورة وأتخذ مبدأ الدفاع بصورة رائعة , فخرجوا لنا بمحاورة في قمة الإبداع نقضاً وفتلاً, ومعانى , وعمق بيوت , وإسلوب نقاش ’ وتسلسل أفكار , وقوة ترابط المحاورة , وجمال سبك وجزالة أبيات .
سوار الذهب :
الهاجري قفى عن المطران بالماء والطعام = واللي يجيب السمن يدهن لحيته وأشنابها
أما على راس الجمل والا على راس السنام = ومطير قومٍ ماتضيع ولاتلين أعصابها
الهاجري :
مطير أهل مهد الذهب ماهم خوال ولا عمام =لكن قل لمطير يمي لاتعوج أرقابها
أحدٍ حداها بالعصا وأحدٍ خطمها بالخطام = ومطير ماتلبس ثياب طوال غير ثيابها
سوار الذهب :
يالهاجري لاتاكل اللقمه ليا صارت حرام = كم واحدٍ يتعب علاها مايحسب حسابها
أما توقّع فالعصب والا توقّع فالعظام = يدرا بها والا عساه يروح مايدرا بها
الهاجري :
ماأخدتها الا بعد طلّعت الرصاص من الحزام = بين السباع اللي من المغرب تحد أنيابها
اللي توفى من كبار القوم جعله للرحام = والحي منهم وزعته مثل العرب يرضى بها
سوار الذهب :
مادايم الدنيا على بعض العرب برد وسلام = ياشجرةٍ طارت حمامتها ومات غرابها
أنته تكلمت الحقيقه مار أنا عندي كلام = أهل المدينه وش بلاها ماتعرف أصحابها
الهاجري :
أهل الفلل وأهل القصور أحسن من اللي فالخيام = وأهل الحجاز تقول أهل مكه تعرف شعابها
أنته تحج البيت وتوقّف ورا باب السلام = وتقول عندي مشكله ماأحدٍ يعرف أسبابها
سوار الذهب :
غمّض وفتّح لاتميل الريح بغصون البشام = ياقوم ياللي كل ليله مختلف هندابها
ياواحدٍ مايعرف القبله يقول البيت شام = والأوله والثانيه مايختلف مضرابها
الهاجري :
السيف أبو حدين ضربه يودع المجرم عدام = والدم الأحمر ناشبٍ في سلته وإنصابها
ياكثر نومك تحسب أن القوم فالدنيا نيام = والنار من شبابها والخيل من ركابها
سوار الذهب :
العام رعيان البقر واليوم رعيان الجهام = والمشكله عوّد حضور الناس مثل غيابها
يصيح مبلي من مرض وينوح عاشق من غرام = تبغى الصحيح أعرف حياتك قبل أفل كتابها
الهاجري :
أصوم وأصلي وغيري لاصلاة ولاصيام = وأضحك على بعض العيون اللي ترف أهدابها