حصري لمنتديات الموازين
من جديد بن نيف
( العـــــــــــــــــــــــــــــورة )
عيرتني هل العورة بشق الشليل=كنها عن عيون الناس متدارية
يا الله اني دخيلك من ضياع الدليل=عيرتني وهيّ اجسادها عارية
تنبح النابحة والا تنوش العويل=هي كذا والقوافل سارية سارية
نجمة الصبح توعدني بدرب طويل=والثريا عن الانظار متوارية
ماني بتابع اثار الضعيف الهزيل=طالما يدفن اثاره هواء الذارية
الله المستعان الله .. وصبر جميل=تدري الناس والا ما هي بدارية
قيل فيّه كذا .. والا كذا فيّ قيل=السوالف خدوش كلها بارية
كد بذلت لْحمي لاهل النمايم سبيل=جعلها عند ربي صدقة جارية