بسم الله الرحمن الرحيم
مــــصــــر
يابنـت انا عــندي نـصـائح وتوجـيه =اخـذي كـلامي كـان تبغـي وصاتي
كـان الـتفاهـم والـمصارح تحـبيه =عنـدي كــلام(ن) كـلـه مصـارحاتي
وان كــان عندك شي يابنت قوليه= قبل اتكلــم مـــانبى مداخـــلاتـي
كثر الـدلال يـشوه البنــت تشـويه =مـثل الســقـــي لازاد غـــرق الـنــباتي
رباك عود(ن)مالقى مـن يربـيه =على ركـوب الســفن والطأيـراتي
فــالمـملكة راسـك بشيله تغطيه = وفــي( مصــر) فالــشارع بلــيا عباتي
تـرا الـفخر في فــرض(ن) تصليه = مـاهـو طريق الفسق والماجناتي
واليوم انا عنـدك حـسـابي مصفيه = وان كــنت غـلي ماتكفي غـلاتي
وباب(ن) فـــتح لـــلود يــابنت صــكيه =مــاعــاد ابــي يــابنت غيــر النـجاتي
ماباقي الا ا قول لك عايزه أيـــيه = اصير انــــا قــوزك وتبقـــي مـــراتي
انتــي تقولي لي مسـا الفل يابيه =وقـــول لـــك اهــلا وســـهــــلا حيـاتــــي
اخوك والــلـه ناسي(ن)ويش اسـميه =وابـوك عنــدي بيـــه وامــك حـــماتي