عايض الحريص _ ذيب سحمه
محاوره اكثر من رائعه جزاله
وقوة معنى
صح لسان الشاعرين وبيض الله وجيههم
عايض الحريص
ياذيب سمحه فيه تال الليل طاروق(ن)سريع=وأنته معك علم وخبر وأنا معي علم وخبـر
لكن لامنه غلبك الأمـر ملزوم(ن)تطيـع=وش عاد باقي عقب ابن شداد ومجري خضر
ذيب سحمه
سود الليالي لاتغرك يالحريص ثـم تضيـع=اخوك شاعر معتبر لاصرت شاعر معتبـر
وان كان عايض يقرن المعنى مع بدعه جميع=راسي وراسه وش علينا من زياد ومن عمر
عايض الحريص
ياذيب سمحه ما نقول إنك صريح ولا لكيع=لكن من هاب الخطر تراه سلم من الخطـر
ياراعي العمه وصلك العلم دور لك منيـع=فلان قدمك ما أنتصر وفلان قدمك ما أنتصر
ذيب سحمه
كم واحدٍ تحت العصا والسيف ياعايض مطيع=عسى الحريص يعتبر يااصحابنا فـأم العبـر
يا راعي البشت الحساوي لو على قيسك وسيع=بعض الرجال الحظ يخدمها على ميل الدهـر
عايض الحريص
حنا على سنـة محمـد مانبـي غيـره شفيـع=وش جاب أهل مكه وطيبه عندكم يا أهل العشر
وحنا مزبنة الجلاوي وأهـل الـراس الرفيـع=وإن جيتنا زابن بنينا لك على الشاطـي قصـر
ذيب سحمه
حنا هل الفعل الموثق من مصاقيل البتيـع=البحر عانه خلفك ومن قدمك الموت الحمر
انتم على مقطانكم ترعون في معزا القطيع=ما للفقير الا الفقر مـا للفقيـر الا الفقـر
عايض الحريص
حنا ترانا أهل الفعول اللي تشيب بالرضيع=أمجادنا ياذيب سحمه واصله سطح القمـر
أهب ياشين النحاس ليا أونس الصالي يميع=يميع مثل اللي يجيبه ذيب من جذع الشجر
ذيب سحمه
يا عايض الدنيا لها دورات والواقـع شنيـع=واللي على شاطي بحر واللي على ضفه نهر
اللي بوسط السوق يعرض في بضايعه ويبيع=علمه بأن بضاعته بارت وراعيهـا خسـر
.