ياواصل ٍ للفخر فـي سوريـا قلـه=ينفض غباره ويعط القـوس باريهـا
تأبى الكرامة مقـام الهـون والذلـه=يا مشعل النار .. نـارك لا تطفيهـا
قم قومـةٍ تجمـع الطغيـان وتفلـه=ترجف بساحات سوريـة وطاغيهـا
دك المشارف وقض الضلـع والتلـه=حـول بهاماتهـا حتـى تساويـهـا
كوّم عذاب السنين الشهب ثـم هلـه=غشنة غضب مـا لهـا واق يوقيهـا
برق ٍ رعوده جبال إدلـب تزلزلـه=تعمي عيون العداء وتصـم اذانيهـا
والله لتأتيـك بـأمـر الله منهـلـه=كثبان رمل ٍ هبـوب البين تسفيهـا
من غرب درعاء اليا شرقي حلب كله=سوريـة العـز دانيهـا وقاصيـهـا
ثورة غضب تردع الشيطان وتشلـه=فواسـق ٍ طاغيـة حنـت لماضيهـا
تبت يد المفتري (ماهر) وتبّ لـه=وتبت جيوش ٍ على الخيبة مضريهـا
ترسانةٍ مـن ثـلاث عقـود منشلـه=خلّت عـدو البلـد وأبلـت باهاليهـا
عادت من العجز والجـولان محتلـه=تطحن بباس الحديـد عظـام بانيهـا
مع جل شكري لأبو متعب حفظه الله=ورسالته والضمير اللي نبض فيهـا
ما شوف فيها عـلاج يبـري العلـه=علة طغى ما لها إلا البتـر ينهيهـا
هذا خبيـثٍ علاجـه سـوطٍ يشلـه=حتى الافاعي تمـوت وسمهـا فيهـا
ما ذا بأسد .. ذا نعجـةٍ مالهـا ملـه=تنمـرت واستبـدت فـي مفاليـهـا
طاغ ٍ من طْغاة والاجرام ورث لـه=مآثـر ابـوه قبلـه قـام يحييـهـا
ربيب ملاً هبـا منهـو ربيـب لـه=محكوم فـي مسـرح ادوار ٍ يأديهـا
يا سيدي يا حبيب الشعـب عبـد الله=الطيبة عـادةٍ لـك وانـت راعيهـا
مير الرفاقة من الاعـراف منحلـه=أسمعتها ميـر مـا تسمـع مناديهـا
يقول الأول وأنا با أعيـد قـول لـه=( إن الحماقة أعيت من يداويها )