اطـــعــــن


اطعن بحد العيون السود مـن قـدك
ان كان لك دين خل العيـن تستافـي


ماهو غريب عليـك ولا علـي ودك
كثرت في الطعون ورحت متعافـي


تاخـذك الايـام وتوديـك وتـردك
يخونك الوقت وتعود علـي الوافـي


ياطول ركضي وراك وياكثر صدك
ماكنك اللي سلبـت العقـل ياكافـي


محلك القلب كـان ان الغـلا شـدك
من غفلة الشوق صح النوم ياغافـي


اخر علومك يقولـون الجفـا حـدك
وشلون دليت درب الوصل ياجافـي


هذي هي اوراق شعري تحتري ندك
من غيبتك والدفاتر بيض وعجافـي


كانك علي الشوفه اللي شفت من جدك
يا كبر فرحتك لو تدري عن الخافي


تاكد ان المشاعر ما تقـف ضـدك
لا خانها البرد ترجي صوتك الدافي


لو راح بي جزر غيرك جابني مدك
لا هب طاريك بشراعي ومجدافـي


تشوقني لا لبست مـن الوفـا قـدك
مالي عذر عن وفاك وزينك الصافي


الليل قطعت سواد ولا كسـا خـدك
والشمس ما غيرت من ليلك الضافي




لشاعر /ضيدان المريخي

منقول