مساك الله بالخير جميعاً
قصيدة للشاعر/ تركي بن مخلد الميزاني المطيري يسندها الى خاله الشاعر الكبير/فارس بن مقحم الميزاني المطيري
دنيا توطت من يســـج الركايب
لا والله الا عــود الـرأس شايب ***شاب الولد والعمر خمسة وعشرين
سبـت همـوماً خلت القلب ذايب***خطــرا تخلي داخل القلب قسمين
ياخال فارس شفت كل العجائب***والنفس عافت جملت الزين والشين
دنيـا تـوطت من يسج الركايب*** والــيوم جانا عام الآلفين واثـنين
اأزريت أميز يا عطيب الضرايب*** اقـلب يعـصاني وتعصاني العين
الله يا مقشــر زمـان الغرايب***يســقيك كـاسا حلو والمر كاسين
ابشــتكيلك يا زبـون النوايب***عساك تسمع شكوتي يا احمر العين
ما هو بـحب منسعات الذوايب***ولا بشـتكي دنـيا ولا بشتكي دين
يهـمني هرجت قفاء كل خايب *** نـهاب شــذابا عـروض المقفين
اللــي يفرق بين جمع القرايب *** يطــلع الكــلمة على غير تقنين
والله عــطاء دنيا لخلقه وهايب ***أحـدا تــسانعله ولحد تقلعه وين
وصـلاة ربي عد وبل السحايب*** على الــنبي اللي نشر دعوة الدين
*وهذا رد الشاعر/فارس بن مقحم المطيري على قصيدة الشاعر/تركي بن مخلد المطيري:
االـبارحة جتني علـوم وكتايب*****مــن مصدرا ماثوق ولها عناوين
ثمنــتها ماني عن الرد هايب*****أبــيات تــركي تستحق التثامين
من ساس قوما يعلقون الصوايب*****يـوم المـلاقاء والمـثارا عطيبين
تـركي ليا جات العلوم الصعايب*****ينهض كما حرا نهض بالجناحين
يشكى هروج مهيجنين النجايب*****ربعا على شذب المقفين ضارين
شـذب عليهم عسكري النصايب *****اللــي يــجمد دمهم فالشـرايين
أن كان مال الحكي منكم سبايب ****خــله يـولي من حساب المولين
الرجل مثلك يا طـويل الشنايب*****ما يستمع هرج الضعوف المساكين
وترى هروج الخبل مثل الهبايب ****تجــمع كراتين القمايم مع الطين
مـن صد عنها ما تجيه العوايب *****ومـن طب فيها دنست ثوبه الزين
خلك كما ضلعا طـويل الزرايب *****عــن لمس راسه يتعبون المعدين
الرجل ما تقرب عليه الخصايب *****خصـا لـيا جاته من الربع الادنين
يقدر المخطـي علا شان غايب*****ومن لا يصبر ما نال قدر الموالين
هذا الكلام ومنطق العقل صايب*****والا الخــطا ما زاد الدنيا ولا دين
وصلاة ربي عد نبت العشايـب****عــلى نـبينا مكـن الدين تمكين
الشاعر/فارس بن مقحم الميزاني العوني المطيري
للامانه منقووووووووووووووول