*وهذا رد الشاعر/فارس بن مقحم المطيري على قصيدة الشاعر/تركي بن مخلد المطيري:


الـبارحة جتني علـوم وكتايب*****مــن مصدراً ماثوق والها عناوين


ثمنــتها ماني عن الرد هايب*****أبــيات تــركي تستحق التثامين


من ساس قوماً يعلقون الصوايب*****يـوم المـلاقا والمـثارا عطيبين


تـركي ليا جات العلوم الصعايب*****ينهض كما حراً نهض بالجناحين


يشكى هروج مهيجنين النجايب*****ربعاً على شذب المقفين ضارين


شـذّ ب علاهم عسكري النصايب *****اللــي يــجمد دمهم فالشـرايين


أن كان مال الحكي منهم سبايب ****خــله يـولّي من حساب الموليّن


الرجل مثلك يا طـويل الشنايب*****ما يستمع هرج الضعوف المساكين


وترى هروج الخبل مثل الهبايب ****تجــمع كراتين القمايم مع الطين


مـن صد عنها ما تجيه العوايب *****ومـن طب فيها دنست ثوبه الزين


خلك كما ضلعاً طـويل الزرايب *****عــن لمس راسه يتعبون المعدين


الرجل ما تقرب علاه الحضايب *****خصـا لـيا جاته من الربع الادنين


يقدّر المخطـي على شان غايب*****ومن لا صبر ما نال قدر الموالين


هذا الكلام ومنطق العقل صايب*****والا الخــطا ما زاد دنيا ولا دين


وصلاة ربي عد نبت العشايـب****عــلى نـبياً مكّن الدين تمكّين



الشاعر/فارس بن مقحم الميزاني العوني المطيري